КIэлэегъэджэ сэнэхьат зэзыгъэгъоты зышIоигъохэм апае хэушъхьафыкIыгъэ сайт-навигаторэу «Будь учителем» зыфиIорэр Урысыем къыщызэIуахыгъ. Лъэпкъ проектэу «Гъэсэныгъ» зыфиIорэм ар къыдыхэлъытагъ.

[caption id="attachment_131945" align="aligncenter" width="800"] Сурэтыр: Адыгэ къэралыгъо университетым ипресс-къулыкъу.[/caption]

Гъэсэныгъэм иучрежде­нии 140-мэ афэгъэ­хьыгъэ къэбархэр мы сай­тым ит. УФ-м просвещениемкIэ и Министерствэ епхыгъэ апшъэрэ еджэпIэ 34-рэ ахэм ахэт.

1940-рэ илъэсым къыщегъэжьагъэу Адыгэ къэралыгъо университетым кIэлэегъэджэ сэнэхьатымкIэ щырагъаджэх. Апшъэрэ еджапIэр къызызэIуа-хы­гъэм къыщегъэжьагъэу специалист мин 77-рэ къычIигъэкIыгъ. Непэрэ мафэм ехъулIэу кIэлэ­егъэджэ сэнэхьатым епхыгъэ гъэсэныгъэ программэ 30-м ехъу ащ иI, ахэм студент мини 2-м ехъу ащеджэ.

Сайтым икаталог узыхахьэкIэ узыфэе шъолъырыр, уищыкIэгъэ гъэсэныгъэр, гурытым къыщегъэ­жьагъэу бакалавриатым нэс, къыхэпхын амал уиI, джащ фэдэу шIоигъоныгъэ зиIэхэм яшIэныгъэхэм ахагъэхъон, нэбгырэ пэпчъ нахь ищыкIэгъэ лъэны­къор къыхихын алъэкIыщт. Адыгэ къэралыгъо университетым ипресс-къулыкъу.