ЩынэгъончъэнымкIэ федеральнэ къулыкъум и ГъэIорышIапIэу Адыгэ Республикэм щыIэм цIыф­хэм макъэ арегъэIу, Урысыем и Уголовнэ кодекс къызэригъэнафэу, Iашэр ыкIи ащ игъусэ щэ-гынхэр, къэорэ пкъыгъохэр хэбзэнчъэу къызыIэкIэ­зыгъахьэрэм, къезыгъэ­кIокIырэм, зыгъэфедэрэм ыкIи IузыгъэкIырэм уголовнэ пшъэдэкIыжь ра­гъэхьын зэралъэкIыщтымкIэ. Санкцием къызэри­гъэнафэрэмкIэ илъэси 10-м нэс хьапс пшъэдэ­кIыжьым пылъ.

БзэджэшIагъэ зэрахьагъэу алъытэщт:

— хэбзэнчъэу Iашэр, джащ фэдэу ащ игъусэ щэ-гынхэр ыкIи къэорэ пкъыгъохэр (ахэм аха­хьэрэп цIыфхэм агъэфедэрэ шхончыку псыгъо кIыхьэр ыкIи ащ игъусэ щэхэр) къызыIэкIэзы­гъахьэхэрэр, къезыгъэ­кIокIыхэрэр, зыгъэфе­дэхэрэр ыкIи Iузыгъэ­кIыхэрэр;

— Iашэр хэбзэнчъэу къызIэкIэбгъэхьаным къикIырэр къэпщэфыныр, шIухьафтынэу е чIыфэм ычIыпIэ къыуатыныр, товарым ыкIи щыгъыным ачIыпIэ ­къэпхъожьыныр, ты­гъугъэкIэ ыкIи гъэбы­лъыгъэкIэ къызIэкIэб­гъэ­хьаныр;

— хэбзэнчъэу Iашэр, джащ фэдэу ащ игъусэ щэ-гынхэр ыкIи къэорэ пкъыгъохэр яптыным къикIырэр нэмыкI цIыфым охътэ гъэнэфа­гъэкIэ ахэр ыгъэфедэнэу етыгъэныр.

Мы зигугъу къэтшIыгъэ пкъыгъохэр хэбзэнчъэу IугъэкIыгъэным къикIырэр къызэкIэгъэкIожь имыIэу яптыныр, япщэныр, къяпхъожьыныр, нэмыкIхэри.

Зэрыохэрэ Iашэхэр ыкIи ащ игъусэ щэ-гынхэр, къэорэ пкъыгъохэр хэ­бзэнчъэу зыIыгъыхэрэр къызэрэбгурыIощтыр мы пкъыгъохэр гъэбылъыгъэ­кIэ псэупIэхэм ащыпIы­гъыныр ары.

Мы къэорэ пкъыгъохэр хэбзэнчъэу къегъэкIокIыгъэным къикIырэр транспортымкIэ зещэгъэныр ары.

Зэрыохэрэ Iашэр ыкIи ащ игъусэ щэ-гынхэр, къэорэ пкъыгъохэр хэ­бзэнчъэу къыздепхьакIыным къикIырэр щыгъыным, Iалъмэкъым ыкIи нэмыкI пкъыгъохэм ахэлъэу къепхьакIыныр ары.

БзэджэшIагъэ зэрахьагъэу алъытэщт интернетым иамалхэмкIэ зэрэзэдэгущыIэжьыгъэхэм тетэу хэ­бзэнчъэу Iашэр ыкIи ащ игъусэ щэ-гынхэр, къэорэ пкъыгъохэр къызыIэкIэзыгъахьэхэрэр, къезыгъэкIо­кIыхэрэр, зыгъэфедэхэрэр ыкIи IузыгъэкIыхэрэр.

ЦIыфыр ежь фаеу зэ­рыохэрэ Iашэр ыкIи ащ игъусэ щэ-гынхэр, къэорэ пкъыгъохэр аритыным къикIырэр мыщ фэдэ пкъы­гъохэр зыщаIыгъырэ чIыпIэхэр хэбзэ къулыкъу­хэм ариIоныр ары. Iашэр хэбзэнчъэу къезыгъэкIо­кIырэр къаубытэу, ар къы­зыIахыкIэ ежь фаеу къаритыгъэу алъытэщтэп.

ЩынэгъончъэнымкIэ федеральнэ къулыкъум и ГъэIорышIапIэу ­Адыгэ Республикэм щыIэм ипресс-къулыкъу.