ТекIоныгъэм и Мафэу къэблагъэрэм ипэгъо­кIэу «Ти ТекIоныгъ» зыфиIорэ Iофтхьабзэр шъолъырхэм зэкIэми ащэкIо. Урысые полити­ческэ партиеу «Единэ Россиер» ары ащ кIэ-­ щакIо фэхъугъэр.

Адыгеим ис кIэлэеджа­кIохэмрэ студентхэмрэ марафоным чанэу хэлажьэх. ГущыIэм пае, мы тхьамафэу икIырэм Мыекъуапэ иеджапIэхэм «ЛIыхъужъхэм яшIэжь урокхэр» ащыкIуагъэх. Ащ къы­дыхэлъытагъэу, кIэлэеджакIохэм яIахьыл-гупсэу заом хэлэжьагъэхэм ясурэтхэр къыз­дахьыгъэх, ахэм щыIэныгъэ гъогоу къакIугъэр ялэгъухэм къафаIотагъ.

«Единэ Россием» хэгъэгум итарихъ ыкIи икультурэ якъызэтегъэнэжьын пстэумэ апшъэу илъэпкъ программэ щигъэнэ­фагъэхэм ащыщ. Ащ фэшI Хэгъэгу зэошхом илъэхъан тари­хъым икъу фэдизэу къыхэгъэнэ­жьыгъэным фытегъэпсыхьэгъэ Iофтхьабзэхэр бэрэ зэхещэх.

Шъугу къэдгъэкIыжьын, мэлылъфэгъум и 27-м Дунэе патриотическэ Iофтхьабзэу «Те­кIоныгъэм идиктант» зыфиIорэр щыIагъ. Хэгъэгу зэошхом ихъугъэ-шIагъэхэр, илIыхъужъхэр къызэришIэжьхэрэр зыу­плъэкIумэ зышIоигъохэр очнэ ыкIи онлайн шIыкIэм тетэу ащ хэлэжьагъэх.