ЖъоныгъокIэ мэфэкI мафэхэу къэблагъэхэрэм общест­вен­нэ рэхьат­ныгъэр къэухъумэгъэным, террористическэ актхэр, машIор къэмыгъэ­хъугъэнхэм афэгъэхьыгъэ Iофтхьабзэхэр АР-м хэгъэгу кIоцI IофхэмкIэ и Министер­ствэ, щынэгъончъэнымкIэ федеральнэ къулыкъум и ГъэIо­рышIа­пIэу АР-м щыIэм, УФ-м ошIэ-дэмышIэ IофхэмкIэ и Ми­нис­тер­ствэ ­и ГъэIорышIэпIэ шъхьаIэу АР-м щыIэм зэхащэщтых.

Адыгеим иполициерэ рес­публикэм ыкIи къалэм ихэбзэу­хъумэкIо къулыкъухэмрэ аIэ зэкIэдзагъэу мы мафэхэм Iоф зэдашIэщт. ЦIыфыбэ зыщызэ­рэугъоирэ чIыпIэхэм анаIэ аты­рагъэтыщт. МэфэкI Iофтхьа­бзэхэр зыщыкIощт чIыпIэхэр зэкIэ пэшIорыгъэшъэу ауплъэ­кIух.

ЦIыфыбэ зыщызэрэугъоирэ чIыпIэхэм, учреждениехэм, къатыбэу зэтет унэхэм ядэ­кIояпIэхэм, транспортым цы­хьэшIэгъунчъэ пкъыгъохэр ащы­шъулъэгъунхэ ылъэкIыщт. Гу зылъышъутэгъэ пкъыгъор а чIыпIэм щымылъынэу щытмэ, шъунаIэ тешъумыдзэу къэшъумыгъан.

Транспортым ащ фэдэ пкъы­гъо къыщыжъугъотыгъэмэ, ис­хэм яемэ шъукIэупчI, водителым макъэ ежъугъэIу.

Джащ фэд, адрэ чIыпIэхэу ыпшъэкIэ къыщытIуагъэхэми цыхьэшIэгъунчъэ пкъыгъохэр къазыщыжъугъотхэкIэ, полицием шъуфытеон фае.

Сыд фэдэ чIыпIэ щышъу­лъэгъугъэми, зыщышъумы­гъэгъупш:

— къэжъугъотыгъэр къызэдэшъумых ыкIи шъумыгъэкощ;

— амал зэриIэкIэ зиер зэхэшъуф;

— ар зышъумыгъэунэфыкIэ, псынкIэу полицием макъэ ежъугъэIу;

— цыхьэшIэгъунчъэ пкъыгъо къызэрэжъугъотыгъэр а чIыпIэм щыт цIыфхэм яжъугъашI ыкIи лъыкIотэнхэу яшъуIу;

— следственнэ-оперативнэ купыр къэсыфэ шъуеж.

Джыри зэ шъугу къэтэгъэ­кIыжьы!!!

Ны-тыхэр! ШъуикIэлэцIыкIу­хэм ящыIэныгъэкIэ ыкIи япсау­ныгъэкIэ пшъэдэкIыжь шъохьы. Сыд фэдэрэ пкъыгъуи (Iалъ­мэкъми, тхылъыпIэ зэхэгъэпкIагъэми, джэгуалъэми) щынагъо зэрэпылъыр сабыйхэм агуры­жъугъаIу. Ежь-ежьырэу ахэр къаштэхэ зэрэмыхъущтыр зэ­хяжъугъэшIыкI.