ТекIоныгъэшхом и Мафэ ехъулIэу ­Хэгъэгу зэошхом иветеранхэу Адыгэ Республикэм щы­псэухэрэм Урысые Федерацием и Президент ишIуфэс тхылъхэр Урысыем и Почтэ аIэкIигъэ­хьащтых.

ЖъоныгъуакIэм и 2-м къыщегъэжьагъэу и 8-м нэс письмэ миллионныкъо фэдиз зэрэхэгъэгоу щыпсэурэ ветеранхэм ашъхьэкIэ аIэкIагъэхьащт. ШIуфэс открыткэхэр Хэгъэгу зэошхом ТекIоны­гъэр къызыщыдахыгъэм ия 78-рэ илъэс фэгъэ­хьыгъэщтых, Урысые Федерацием и Президентэу Владимир Путиныр ыIэкIэ ахэм акIэтхэжьыгъэу щытыщт.

Непэ Почтэм иIофы­шIэхэм анаIэ зытетыр мэхьанэшхо зиIэ шIу­фэсхэр мэфэкI мафэхэм ялъэхъан ветеранхэм алъагъэIэсынхэр ары. ИщыкIагъэу зыщыхъурэм, ветераным псэупIакIэу иIэ хъугъэр агъэунэфызэ, мэфэкIым ехъулIэу зэрыс унэм ар фырахьылIэщт. Унэм имысэу къычIэкIымэ, гущыIэм пае, къе­Iазэхэу чIыпIэ горэм щы­Iэмэ е дачэм щэпсэумэ, а открыткэр Почтэм икъу­тэмэ анахь благъэ джыри зы мазэрэ чIэлъыщт, а уахътэм къыкIоцI почтальоным шIуфэсыр ветераным IэкIигъэхьаным иамал ыуж итыщт.

Iахьзэхэлъ общест­вэу «Урысыем и Почт» зыфиIорэм ипресс-къулыкъу