Псауныгъэм икъэухъумэн епхыгъэ учреждениеу Адыгеим итхэм ащыщэу гъэстыныпхъэ шхъуантIэр зыIэкIэмыхьэхэрэм газ аIэкIэгъэхьэгъэным фэгъэхьыгъэ программэм хэлэжьэнхэу лъэIу тхылъхэр къатых.

Мары охътэ благъэм Мые­къопэ районым ит поселкэхэу Первомайскэм, Совхознэм, къутырхэу Садовэм, Шевченкэм ыкIи станицэу Къурджыпсым яфельдшер-мамыку IэзапIэхэм гъэстыныпхъэ шхъуантIэм икIуа­пIэхэр аращэлIэнхэу рагъэ­жьэщт.

— Мыхэм гъэстыныпхъэ шхъуантIэр аIэкIэгъэхьэгъэным типшъэрылъ шъхьаIэу цIыфхэм медицинэ IэпыIэгъу ятыгъэным ипхырыщын кIуачIи амали тиIэр етхьылIэн тлъэкIынэу къешIы. Пункт 30-у тиIэм щыщэу 15-р газым ежэ, — къы­Iуагъ Мые­къопэ район сымэджэщым иврач шъхьаIэу, АР-м и Къэралыгъо Совет — Хасэм иде­путатэу Алла Чернышовам.

— Мы программэм ишIуа­гъэкIэ фельдшер-мамыку IэзапIэхэм ащылажьэхэрэм IофшIэ­кIэ амал тэрэзхэр яIэ хъущт, цIыфхэм медицинэ IэпыIэ­гъур нахь къызIэкIэгъэхьэгъошIу афэхъущт, пхъэ ащэфын ищы­кIэ­гъэжьыщтэп, — къыхигъэщыгъ Iахьзэхэлъ обществэу «Газ­пром газораспределение Май­коп» зыфиIорэм ипащэу Екъу­тэкI Аслъан.

АО-у «Газпром газораспределение Майкоп» зыфиIорэм ипресс-къулыкъу.