Мэлылъфэгъум и 27-р — урысые парламентаризмэм и Маф
Адыгэ Республикэм и Къэралыгъо Совет – Хасэм, Адыгэ Республикэм имуниципальнэ образованиехэм ялIыкIо къулыкъухэм ядепутатхэу лъытэныгъэ зыфэтшIыхэрэр!
Урысые парламентаризмэм и Мафэ фэшI тышъуфэгушIо!
Обществэм ищыIэныгъэкIэ парламентаризмэм мэхьанэшхо иIэу щыт. Парламентым ыштэрэ законхэм цIыфхэм ящыIэныгъэкIэ, ахэм яшъхьафитыныгъэхэмрэ яфитыныгъэхэмрэ якъэухъумэнкIэ, социальнэ-экономикэ зэхъокIыныгъэхэм яшэпхъэ-правовой лъапсэ тэрэзэу къыдэлъытэгъэнымкIэ, общественнэ-политикэ зэдэгущыIэгъу игъэкIотыгъэ щыIэнымкIэ амалышхохэр къатых.
Демократическэ институтым мэхьанэу иIэр уахътэм къыгъэшъыпкъэжьыгъ. Урысыем политикэмкIэ гъэпсыкIэу иIэм, общественнэ зэфыщытыкIэхэм ясистемэ, шэпхъэ гъэнэфагъэхэм зэхъокIыныгъэхэр ащ афишIыгъ. Непэ парламент IофшIэным изытет, хэдзакIохэр зыгъэгумэкIыхэрэ Iофыгъохэм депутатхэр зэращыгъуазэхэм, законхэу аштэхэрэм ялъытыгъ хэгъэгум илъ социальнэ-экономикэ ыкIи общественнэ-политикэ лъэныкъохэмкIэ иIофхэр зэрэкIохэрэр, цIыфхэм ящыIакIэ зыфэдэри.
Мы мафэм Адыгэ Республикэм ифедэ зыхэлъ, шIуагъэ къэзытырэ IофшIэныр зэрагъэцакIэрэм пае депутат пстэуми тызэрафэразэр къэтэIо, джащ фэдэу Федеральнэ ЗэIукIэм Адыгеим ифедэхэр къыщызыухъумэхэрэм, Адыгэ Республикэм и Къэралыгъо Совет – Хасэм шIуагъэ къытэу Iоф щызышIэхэрэм, чIыпIэ мэхьанэ зиIэ Iофыгъошхохэр муниципальнэ образованиехэм ялIыкIо къулыкъухэм ащызэшIозыхыхэрэм инэу тафэраз.
Ныбджэгъу лъапIэхэр, тыгу къыддеIэу зэкIэми тышъуфэлъаIо псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ шэпхъэ ихъухьан IофшIэнэу жъугъэцакIэрэм тапэкIи гъэхъагъэхэр щышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет – Хасэм и Тхьаматэу Владимир Нарожнэр