Адыгэ Республикэм щыпсэурэ быслъымэнхэу лъытэныгъэ зыфэтшIыхэрэр! ТичIыпIэгъу лъапIэхэр! Бирам мэфэкIым фэшI ты­шъуфэгушIо! Мыщ фэдэ лъэхъаным нэкIым икIэуххэр зэфахьысыжьых, шIоу ашIагъэм агу къыщигъэущыгъэ­хэм ягупшысэжьых, псэпэшIагъэхэр джыри нахь зэрагъэбэгъощтхэмкIэ гухэлъыкIэхэр ашIых. Нафэу зэрэщытымкIэ, ислъам диным къыделъытэх зэфагъэр, мамырныгъэр, къыппэблагъэр шIу плъэгъуныр ыкIи гукIэгъу фыуиIэныр. ЦIыфым ыгу нахь къабзэ хъунымкIэ, цIыфыгъэ шэпхъэ дахэхэм арыгъозэнымкIэ а пстэуми мэхьанэшхо яIэу щыт. Урысые обществэм изыкIыныгъэ игъэпытэнкIэ, цIыф лъэпкъ зэфэшъхьафхэм зэгурыIоныгъэ азыфагу илъынымкIэ, зэрэлъытэжьынхэмкIэ, мамырэу зэдэпсэунхэмкIэ ислъам диным ылъапсэхэм пшъэрылъышхо зэшIуахы, ахэр шIум фэузэнкIыгъэх. Непэ, фэдэ зыпарэкIи къыхэмыкIыгъэу гумэкIыгъо инхэр къызыщыкъокIыгъэхэм, ащ фэдэ зэгурыIоныгъэм мэхьанэ ин иI. Лъэпкъэу къызхэкIыгъэхэмрэ динэу алэжьырэмрэ ялъыты­гъэу цIыфхэр зэпагъэуцужьынхэм, зэщахъонхэм нэмыкI гухэлъ зимыIэ кIочIэ бзаджэхэм гъогур афызэпыбзыкIыгъэн фае. Мы мэфэ нэфым тыгу къыддеIэу зэкIэми тышъуфэлъаIо псауныгъэ пытэ, щыIэкIэшIу шъуиIэнэу, шъуигухэлъ дахэхэр къыжъудэхъунхэу. МэфэкI мафэ шъутехь! Адыгэ Республикэм и ЛIышъхьэу, Урысые политическэ партиеу “Единэ Россием” и Адыгэ шъолъыр къутамэ и Секретарэу КъумпIыл Мурат Адыгэ Республикэм и Къэралыгъо Совет — Хасэм и Тхьаматэу Владимир Нарожнэр