Адыгэ Республикэм ихабзэ имуниципальнэ къулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр! ЧIыпIэ зыгъэIорышIэжьыным и Мафэ фэшI тышъу­фэгушIо! ЧIыпIэ зыгъэIорышIэжьыныр Урысые Федерацием иконституционнэ гъэпсыкIэ ылъапсэхэм зыкIэ ащыщ. А зы чIыпIэм щызэдэпсэурэ цIыфхэм муниципальнэ къулыкъухэр къызфагъэфедэх чIыпIэ мэхьанэ зиIэ Iофыгъохэм язэшIохынкIэ ыкIи муниципальнэ мылъкум игъэзекIонкIэ. ЧIыпIэ зыгъэIорышIэжьыным икъулыкъухэм Iоф ащыпшIэным IэпэIэсэныгъи, шIэныгъи ищыкIагъэх, муниципалитетым щыпсэурэ цIыфхэр зыгъэгумэкIыхэрэ Iофыгъохэм язэшIохынкIэ теурыкIуагъэ къызхагъафэ хъущтэп. Ежь цIыфхэми хэбзэ къулыкъушIэхэм цыхьэу афашIырэм къыкIимычынымкIи ащ мэхьанэшхо иIэу щыт. Адыгэ Республикэм имуниципальнэ администра­циехэм яIофышIэхэм тапэкIи агу етыгъэу япшъэрылъхэр зэрагъэцэкIэщтхэм, тиреспубликэ ихэхъоныгъэ яIахь зэрэхашIыхьащтым тицыхьэ телъ. Ныбджэгъу лъапIэхэр, зэкIэми тышъуфэлъаIо псау­ныгъэ пытэ шъуиIэнэу, тичIыпIэгъухэм яфедэ зыхэлъ ублэпIэ пстэуми гъэхъагъэхэр ашIышъушIынхэу! Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат Адыгэ Республикэм и Къэралыгъо Совет — Хасэм и Тхьаматэу Владимир Нарожнэр