Компаниеу «Газпром межрегионгаз Майкоп» зыфиIорэм ипресс-къулыкъу къызэритыгъэмкIэ, зигугъу къэтшIыгъэ компанием цIыфхэм амал аригъэгъотыгъ тегъахъо имыIэу гъэстыныпхъэ шхъуантIэм ыпкIэ атынэу.

Ащ пае кассэхэр ежь къызэ­Iуихыгъэх. Онлайн шIыкIэм тетэуи фэIо-фашIэхэм ауасэ цIыф­хэм атын алъэкIыщт.

— Непэ гъэстыныпхъэ шхъуан­тIэм ыпкIэ птыныр IэшIэх хъугъэ. Або­нентхэм ежьхэм къякIурэ шIы­кIэр къыхахын алъэкIыщт нэ­мыкIхэр ащ фэдэ фэIо-фашIэм къыхамыгъэлажьэхэу.

ПшъэдэкIыжьэу ыхьырэмкIэ гъунэпкъэ гъэнэфагъэ зиIэ об­ществэу «Газпром межрегионгаз Майкоп» зыфиIорэм иабонент пунктхэм якасси 10-мэ Адыгеим Iоф щашIэ.

Ахэр чIыпIэу зыдэщыIэхэр:

— къу. Пэнэжьыкъуай, Лениным иур., 52

— Адыгэкъал, Лениным ипрос­пект, 41

— станицэу Джаджэр, ур. Поч­товэр, 4

— къу. Кощхьабл, Лъэпкъхэм язэкъошныгъэ иур., 67

— с. Красногвардейскэр, ур. Пер­вомайскэр, 14

— къ. Мыекъуапэ, ур. Пионерскэр, 494

— п. Тульскэр, ур. Советскэр, 28

— къу. Тэхъутэмыкъуай, Хь. Д. Нашым иур., 5

— къэлэ гъэпсыкIэ зиIэ поселкэу Яблоновскэр, Гагариным иур., 86

— къу. Хьакурынэхьабл, Мамырныгъэм иур., 28

Унэм имыкIхэу интернет фэIо-фашIэу «Абонентым иунэе ка­бинеткIэ», мобильнэ гуадзэу «МойГаз», «Газ онлайн» зыфи­IохэрэмкIэ тегъахъо имыIэу газыпкIэр атын алъэкIыщт.

Ау терминалхэр, банкхэм яофис­хэр, «Почта России» зыфиIорэр къызфагъэфедэхэзэ, тегъахъо иIэуи газыпкIэр джыри атышъущт. А организациехэм агъэнэфэгъэ тарифхэм адиштэу тегъахъор ахэм аIахыщт. ГущыIэм пае, «Почта России» икъута­мэхэмкIэ ар зэрэхъурэр проценти 3, Сбербанкым икъутамэхэмкIэ, банкоматхэмкIэ, банкым игуадзэкIэ зы процентым къыщегъэжьагъэу проценти 3-м нэс. НэмыкI банкхэм якъутамэхэм тегъахъоу ащагъэнэфагъэр зынэ­сырэм ежь банкхэм щакIэуп­чIэн- хэ алъэкIыщт.