Урысыем и Следственнэ комитет Адыгэ РеспубликэмкIэ иследственнэ ГъэIорышIапIэ икъутамэу Джэджэ рай­оным щыIэм къуаджэу Кощхьаблэ дэт унэе унэм къыкIэнэныр къызхэ­кIы­гъэм иуплъэкIун зэхищагъ.

ЗэрагъэунэфыгъэмкIэ, 2023-рэ илъэсым мэлылъфэгъум и 5-м пчэдыжьым унэм къыкIэнагъ. Унэр зие хъулъфыгъэу илъэс 81-рэ зыныбжьыр машIом хэстыхьагъ. Ар зыдэпсэущтыгъэ бзылъфыгъэр унэм къикIыжьынэу игъо ифагъ. Хъулъфыгъэм къулыкъу гъэнэфагъэр къэсыфэ ежь-ежьырэу машIор ыгъэкIо­сэнэу фэегъагъ.

Следовательхэм а тхьамыкIэгъо хъугъэ-шIагъэр къызщыхъугъэ чIыпIэр къаплъыхьагъ. ПэшIорыгъэ-шъэу зэрагъэунэфыгъэмкIэ, гъэтIылъыпIэ унэ цIыкIум ипроводкэ зэщыкъуагъэу зэрэщытыгъэм ыпкъ къикIыгъ машIом зыкъыштэныр.

Мы лъэхъаным а тхьамыкIагъор къызхэкIыгъэм игъэунэфын фытегъэпсыхьэгъэ Iофтхьабзэхэр зэрахьэх, хьыкум-медицинэ уплъэкIунхэу ищыкIагъэхэр агъэцэкIэщтых. Ахэм афэхъурэ кIэуххэм ателъыта­гъэу унашъо хьыкумым ышIыщт.

Адыгэ Республикэм хэгъэгу кIоцI IофхэмкIэ и Министерствэ къэбархэмкIэ ыкIи общественнэ зэпхыныгъэхэмкIэ иотдел