ЦыхьэшIэгъуджэ пкъыгъохэр транспор­тым, дэкIояпIэхэм, фэтэрхэм адэжь, учреждениехэм, цIыфхэр жъугъэу зы­щызэIукIэрэ чIыпIэхэм къащагъотэу къыхэкIы.

Ащ фэдэ пкъыгъор учреждением къызыщыжъугъоткIэ, а учреждением иадминистрацие е дежурнэм ащкIэ макъэ псынкIэу яжъугъэIу. Къэжъугъотыгъэр зэкIоцIышъумых ыкIи ычIыпIэ ишъумыгъэкощыкI. А пкъыгъор зием шъукIэупчI. Ар зыми имыеу къызычIэкIыкIэ, полицием е патрульнэ къулыкъум ащкIэ псынкIэу макъэ яжъугъэIу. ЦыхьэшIэгъуджэ пкъыгъо къызэрэжъугъотыгъэр цIыфхэм яжъугъашI, чIыпIэу ащ къыпэIулъыр къабгынэнэу яшъуIу. Следственнэ-оперативнэ купыр къэсыфэ шъуеж.

Къэмланхэм, джэгуалъэхэм, Iалъмэкъхэм къагъэорэ пкъыгъохэр арылъын зэрилъэкIыщтыр зыщышъумыгъэгъупш!

Ны-тыхэр, джыри зэ шъугу къэтэгъэкIыжьы шъуикIэлэцIыкIухэм ящыIэныгъэрэ япсауныгъэрэ къары­кIощтымкIэ пшъэдэкIыжь зэрэшъухьырэр. Урамым къыщагъотырэ пкъыгъом щынагъо къыздихьын зэри­лъэкIыщтыр кIэлэцIыкIухэм агурыжъугъаIу. Пкъыгъоу къэжъугъотхэрэм шъор-шъорэу зи яшъумышI.

Адыгэ Республикэм хэгъэгу кIоцI IофхэмкIэ и Министерствэ къэбархэмкIэ ыкIи общественнэ зэпхыныгъэхэмкIэ иотдел