Адыгэ Республикэм щыпсэурэ православнэ чыристанхэу лъытэныгъэ зыфэтшIыхэрэр!

ТичIыпIэгъу лъапIэхэр!

Христос къызыхъугъэ Мэфэ нэфым фэшI ты­шъуфэгушIо!

Чыристан диныр зылэжьыхэрэмкIэ Пасхэр анахь агъэлъэпIэрэ, анахь мэфэкI нэфэу щыт. ШIум, гукIэгъум ар ятамыгъ, дунаим къытехъогъэ цIыф пстэуми мамырныгъэ, зэгурыIоныгъэ азыфагу илъыным, сыд фэдэрэ къиныгъохэри щыгъэзыегъэнхэмкIэ зэдеIэ­жьынхэ, зэкъоуцонхэ зэрэфаем ар къафэджэ.

Адыгэ Республикэу цIыф лъэпкъ зэфэшъхьафыбэ зыщыпсэурэм, дин зэмылIэужыгъохэр зыщалэжьхэрэм, хабзэ зэрэщыхъугъэу, Пасхэм ихэгъэунэфыкIын епхыгъэ Iофтхьабзэхэр, зы лIэужым адрэм къынигъэ­сыжьзэ, щызэрахьэх. Тиреспубликэ итарихъ-культурэ кIэн къэухъумэгъэнымкIэ, обществэм изыкIыныгъэ гъэпытэгъэнымкIэ, цIыфыгъэ шэпхъэ дахэхэр джыри нахь пытэнхэмкIэ лъэпкъ зэфэшъхьафхэм къахэкIыгъэхэм ыкIи дин зэфэмыдэхэр зылэжьхэрэм зэгуры­Iоныгъэ азыфагу илъынымкIэ ар амалышIоу щыт.

Христос къызыхъугъэ мэфэкIымкIэ чыристан диныр зылэжьырэ ыкIи Адыгеим щыпсэурэ пстэуми тафэгушIо, псауныгъэ пытэ, щыIэкIэшIу яIэнэу, ублэпIэ пстэуми гъэхъагъэхэр ащашIынхэу афэтэIо! Мы мафэхэм шъуиунагъохэм мамырныгъэ, зэгурыIоныгъэ арылъынэу, шъуигупсэхэми, къышъупэблэгъэ цIыфхэми хъяркIэ шъузэхэхьэшъунэу шъуфэтэIо!

Адыгэ Республикэм и ЛIышъхьэу,  Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр