ЧIыфэр сомэ миллиони 9-м ехъу
ПшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэм ыгъэфедэгъэ электричествэм ыпкIэ игъом зэримытыгъэм къыхэкIэу чIыфэу сомэ миллиони 9 зэIуигъэкIагъ.
Хьыкумым унашъоу ышIыгъэм диштэу хьыкум приставхэм я Мыекъопэ къэлэ отдел Iоф къызэIуихыгъ. Хьыкум приставым чIыфэ зытелъ организацием ипащэхэм зафигъэзагъ, хэбзэгъэуцугъэм къыдилъытэрэ шапхъэхэр игъом замыгъэцакIэкIэ кIэухэу фэхъун ылъэкIыщтыр агуригъэIуагъ. Организацием амыгъэкощырэ мылъку тетхагъэу ыкIи банкхэм счетхэр ащыриIэу агъэунэфыгъ.
ПшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэм исчетхэм арылъ ахъщэм язы Iахь къыхагъэкIынышъ, чIыфэм ипщыныжьын пIэуагъэхьанэу хьыкум приставым унашъо ышIыгъ.
Предприятием чIыфэу телъыгъэм нэмыкIэу, Iофыр къызэрэзэIуахыгъэм пэIухьэгъэ сомэ мин 630-рэ къырагъэпщыныгъ.
Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.