Адыгеим игъатхэ пшысэм къыхэкIыгъэм фэд – къушъхьэхэмрэ мэзхэмрэ апэ къэтIэмырэ къэгъагъэхэм яалырэгъу зэмышъогъу­хэр ателъых, чъыгхэм шъошэ фыжьхэмрэ шэплъхэмрэкIэ зыкъафапэ, жьым ямэIэшIу щызэрехьэ.

Мэфэпчъым зэритым нахьыжьэу ар къехьэ. Джыри мэзаем Мые­къуапэ удэмыкIэу уащы­IукIэн плъэкIыщт гъатхэм иапэрэ нэпэеплъхэм – Тхылъ Плъыжьым дагъэхьэгъэ кавказ цикламенымрэ морозникымрэ. Осым къыпхырыкIыгъэ къэгъагъэхэр хьалэмэтых, пшысэм къыхэкIыгъэхэм фэд. Ахэм зыкIи анахь Iаехэп къэтIэмыгъэ чэрэзхэр зыкIыб дэт тюльпан плъыжьхэу ыкIи гъожьхэу мэлылъфэгъум Мыекъуапэ ичIылъэ унэ Iупэхэм къащызэIуихыхэрэри.

ЖъоныгъокIэ мазэм икъежьапIэм мыIэрысэ чъыгхатэхэу къэтIэмыхэрэри сыдэу дахэха!

Мыхэм уяплъы зыхъукIэ, пстэуми укъяджэнэу уфаеу охъу — ныбджэгъухэр, шъублэмыкI, мощ фэдиз дэхагъэм шъунаIэ те­шъудз, тхъагъо хэжъугъуат, сурэтхэмкIэ шъуIуатэ!