Темыр-Кавказ метеокъулыкъум къы­зэритыгъэмкэ, ощхыбэ къызэ­рещхыгъэм къыхэкIэу Адыгэ Респуб­ликэмкIэ Кощхьэблэ, Шэуджэн, Красногвардейскэ районхэм арыт псыхъо­хэм псэу адэтыр мэлылъфэгъум и 14-мрэ и 15-мрэ лъэшэу къыдэкIоен ылъэкIыщт.

ОшIэ-дэмышIэ Iофхэр къэхъунхэм ищынагъо щыIэщт. ЧIыоххэм, псыIушъо­хэм, псэупIэхэм псы къакIэон, псыу­тIэхэм ядамбэхэр Iуитхъын, лъэмыдж­хэмрэ ЛЭП-хэмрэ япкъэухэм алъапсэ чIилъэсыкIын, транспортхэр чIыпIэ къин ифэнхэ алъэкIыщт.

ОшIэ-дэмышIэ Iофхэр къэмыгъэ­хъу­гъэнхэмкIэ ыкIи ахэм зэрарэу къыз­дахьырэр нахь макIэ шIыгъэнымкIэ игъо афалъэгъу:

1. Муниципальнэ образованиехэм ядежурнэ-диспетчерскэ къулыкъухэмрэ яорганизациехэмрэ ренэу гъусэныгъэ адыряIэнэу, тхьамыкIагъоу къэхъун ылъэкIыщтым зэрэфэхьазырхэм гъунэ лъафынэу.

2. Адыгэ Республикэм граждан оборонэмкIэ ыкIи ошIэ-дэмышIэ IофхэмкIэ и Комитет щынагъо къыкъокIын зэри­лъэкIыщтым фэгъэхьыгъэу цIыфхэм псын­кIэу макъэ аригъэIунэу.

3. ЧIыопс тхьамыкIагъохэм къакIа­кIохэрэр дэгъэзыжьыгъэнхэм пае гъэлъэшыгъэ шIыкIэм тетэу Iоф ашIэным фэгъэхьазырыгъэнхэу.

4. Мылъкоу, техникэу щыIэр икъущтмэ зэгъэшIэгъэнэу.

5. ОшIэ-дэмышIэ Iофхэр къэмыгъэ­хъугъэнхэмкIэ ыкIи ахэм къыздахьыхэрэр дэгъэзыжьыгъэнхэмкIэ планхэм ахэп­лъэжьыгъэнэу, оперативнэ купым хэтхэр ошIэ-дэмышIэ Iофхэр къызщыхъун ылъэ­кIыщт чIыпIэм нэгъэсыгъэнхэм иамал зехьэгъэнэу.

6. ЦIыфхэм макъэ зэрарагъэIурэ си­стемэр зэрэхьазырыр уплъэкIугъэнэу.

7. Псым епхыгъэ псэуалъэхэм, гидро­техническэ псэуалъэхэм (дамбэхэм, лъэмыджхэм) язытет гъунэ лъафынэу.

8. Прогноз зышIырэ бригадэхэр тхьамыкIагъо къэхъун зэрилъэкIыщтым фэ­гъэхьазырыгъэнхэу.

9. Социальнэ мэхьанэ зиIэ псэуалъэ­хэм, унэхэм фабэмрэ псымрэ зэпыу имыIэу аIэкIэхьанымкIэ ищыкIэгъэ Iоф­тхьабзэхэр зэрахьанхэу, кIэлэцIыкIу Iы­гъыпIэхэм, гурыт еджапIэхэм, сымэ­джэщхэм Iоф ашIэным нахь лъэшэу анаIэ тырагъэтынэу.

10. ПIалъэ горэкIэ цIыфхэр зыдэщыIэнхэ алъэкIыщт чIыпIэхэр агъэхьазырынхэу.

11. Къэхъун ылъэкIыщт авариехэм къыздахьыхэрэр дэгъэзыжьыгъэнхэм пае аварийнэ бригадэхэм чэщи мафи Iоф ашIэнэу.

12. ЧIыпIэ зыгъэIорышIэжьынымкIэ къулыкъухэм япащэхэр лъыплъэнхэу псэупIэ-коммунальнэ хъызмэтым ипсэо­лъэ шъхьаIэхэм Iоф зэрашIэрэм администрацием иIофышIэхэр чэщи мафи гъунэ зэрэлъафырэм.

13. Муниципальнэ образованиехэм япащэхэмрэ къоджэ псэупIэхэм япащэхэмрэ яунашъо Адыгэ Республикэм имуниципальнэ образованиехэм япсэу­пIэхэм алъыгъэIэсыгъэнэу.

14. ОшIэ-дэмышIэ тхьамыкIагъо Адыге­им къыщыхъун зэрилъэкIыщтым фэгъэ­хьыгъэ къэбарыр муниципальнэ образо­ваниехэм, къоджэ псэупIэхэм япащэхэм, граждан оборонэмкIэ, ошIэ-дэмышIэ Iоф­хэмкIэ отделхэм яIофышIэхэм, предприятиехэм, организациехэм, къэгъэнэ­жьын Iофхэм апылъ къулыкъухэм, учреж­дениехэм япащэхэм алъыгъэIэсыгъэнэу.