Урысые Федерацием и Следственнэ комитет Адыгэ РеспубликэмкIэ иследственнэ гъэIорышIапIэ и Джэджэ район отдел физкультурэм щыфыкъогъэ пшъэшъэжъыеу илъэси 10 зыныбжьым идунай зыкIихъожьыгъэмкIэ уплъэкIун зэхещэ.

ПэшIорыгъэшъэу зэрагъэунэфыгъэмкIэ, Красногвардейскэ районымкIэ къуаджэу Хьатикъуае щыщ пшъэшъэжъыеу илъэси 10 зыныбжьым 2023-рэ илъэсым игъэ­тхапэ гурыт еджапIэм баскетбол щешIэзэ, ылъакъо ыгъэфыкъуагъ. Адыгэ Респуб­ликэмрэ Краснодар краимрэ ямедицинэ учреждениехэр ащ IэпыIэгъу къыфэ­хъугъэх. Зыныбжь имыкъугъэ пшъэшъэ­жъыем ипсауныгъэ изытет нахь дэй къы­зэ­хъум, Красногвардейскэ районым ит медицинэ учреждением ащагъ, ау сы­хьат заулэ нахь темышIэу идунай ыхъо­жьыгъ.

Зыныбжь имыкъугъэ пшъэшъэжъыем имедицинэ документацие следовательхэм къаIахыгъ, хьадэгъур зыпкъ къикIыгъэр гъэунэфыгъэным пае суд-медицинэ экспертизэ зэхащэ. ФизкультурэмкIэ урокым пшъэшъэжъыем ылъакъо щыфыкъоныр къызыхэкIыгъэр зэхафы. ГъэсэныгъэмкIэ учреждением иIофышIэхэм еджэныр щы­нэгъончъэу зэхэщэгъэнымкIэ щыкIагъэу яIэхэм, Адыгэ Республикэмрэ Краснодар краимрэ ямедицинэ учреждениехэм зыныбжь имыкъугъэм медицинэ IэпыIэгъоу рагъэгъотыгъэм уасэ къафашIыщт. Процессуальнэ уплъэкIуныр макIо.