Унагъом ис нэбгырэ пчъагъэм къызэ­рэ­хэхъуа­гъэмкIэ е зэрэ­хэкIыгъэм­кIэ шъолъыр операторым макъэ зэ­рэра­гъэIурэ шIыкIэр 2023-рэ илъэсым мэлылъфэгъум и 1-м къыще­гъэжьагъэу зэблэхъугъэ хъугъэ.

Квитанциехэм арытыщт пчъагъэхэм нэфэгъэ икъу ахэлъхьэгъэным пае пшъэ­дэкIыжьэу ыхьырэмкIэ гъунэпкъэ гъэнэфагъэ зиIэ обществэу «ЭкоЦентрэм» и Адыгэ шъолъыр къутамэ иабонентхэм унэм щыпсэухэрэм яхьылIэгъэ справкэр джы арахьылIэн фае. Адыгэ Республикэм хэ­гъэгу кIоцI IофхэмкIэ и Министерствэ ирайон под­разделениехэу кощын Iофхэм афэгъэзагъэ­хэм ыпкIэ хэмылъэу ар къащаратыщт.

2022-рэ илъэсым бэ­дзэогъум и 14-м аштэгъэ Федеральнэ законэу N 304-р зытетым зэрэщыгъэнэфагъэмкIэ, 2023-рэ илъэсым щылэ мазэм и 1-м къыщегъэжьагъэу справкэр ары IэубытыпIэу яIэщтыр фэIо-фашIэм тефэрэ уасэр къа­фэлъытэжьыгъэнымкIэ, ищыкIэгъэ пчъагъэхэр кви­танцием итхэгъэнхэмкIэ. Зыщыпсэурэ чIыпIэр пIалъэ горэкIэ къызэри­бгынагъэр къыушыхьатэу командировкэ удосто-ве­рением икопие, къызэ­ре­Iазэхэрэм, зэреджэ­рэм ехьылIэгъэ справкэр, транс­портыр къызэрэз­фигъэфедагъэмкIэ билетхэр, хьакIэщым, обще­житием зэрисыгъэмкIэ счетхэр, IэкIыб къэралыгъохэм ащагъэфедэрэ паспортым икопие ыкIи нэмыкIхэр арихьылIэн ылъэкIыщт.

Унэр зиехэм ашъхьэкIэ офисхэм (Мыекъуапэ, ур. Пионерскэр, 297; Яблоновскэр, ур. Школьнэр, 10/1) яменеджерхэм зафагъэзэн е официальнэ сайтэу «httрs:// аdygеyа. clеаn-rf.ru» зыфиIорэр къызыфагъэфедэн алъэ­кIыщт.

Шъугу къэтэгъэкIыжьы Урысые Федерацием и Правительствэ 2011-рэ илъэсым жъоныгъуакIэм и 6-м ышIыгъэ унашъоу  N 354-р зытетым ия 148-рэ пункт диштэу унагъом ис нэбгырэ пчъагъэм къызэрэхэхъуагъэмкIэ е зэрэхэкIыгъэмкIэ мэфи 5-м къыкIоцI шъолъыр операторым макъэ зэрэрагъэIун фаер. ИщыкIэ- гъэ справкэр къазыIэкIамыгъахьэкIэ, унэр зые нэбгырэ пчъагъэм къыпкъырыкIыхэзэ, уасэу атыщтыр агъэнэфэщт.

ПшъэдэкIыжьэу ыхьырэмкIэ гъунэпкъэ гъэнэфагъэ зиIэ об­ществэу «ЭкоЦентрэм» и Адыгэ шъолъыр къутамэ ипресс-къулыкъу