Тестэу «TruD» зыфи­Iорэр IэубытыпIэ къызыфашIызэ, IэкIыб къэралыгъохэм къарыкIыгъэ­хэу Адыгэ къэралыгъо университетым ще­джэ­хэрэм ямышIыкIэ диктант апэрэу арагъэтхыгъ.

Экспертхэм къагъэ­хьа­зырыгъэ гъэцэкIэни 9 ащ хахьэщтыгъ. Тес­тым хэлажьэхэрэм я 10-рэ гъэцэкIэным диштэу тотальнэ диктантым изы пы­чыгъо цIыкIу ара­гъэтхыгъ. ШIоигъоныгъэ зи­Iэхэр ары ащ хэлэжьа­гъэхэр, адрэ гъэ­цэ­кIэнхэм афэмыдэу нэмыкI шIыкIэкIэ ащ уасэ фашIыщт.

— Ащ фэдэ шIыкIэм тетэу тотальнэ диктант зэ­рагъэтхыхэрэр урысы­бзэр зимыныдэлъфыбзэу щытхэр, IэкIыб къэралыгъохэм къарыкIыгъэхэу Iофтхьабзэм хэлажьэ зы­шIоигъохэр, ау тотальнэ диктантыр ытхышъунэу зыщымыгугъыжьыхэрэр ары, — къаIуагъ Адыгэ къэралыгъо университетым иIофышIэхэм.

Хабзэ зэрэхъугъэу, урысыбзэмкIэ зишIэныгъэ зыуплъэкIу зышIои­гъохэмкIэ диктантыр Iоф­тхьэбзэ шъхьаIэу щыт. Мыгъэ тиреспубликэ я 10-у ар щатхыгъ. Нэбгыри 140-м ехъу а Iофтхьабзэм хэлэжьагъ, гъэре­кIорэм елъытыгъэмэ, фэдитIукIэ ар нахьыб.

Диктантым итхынкIэ чIы­пIэ шъхьаIэу Мыекъуа­пэкIэ хъугъэр Адыгэ къэралыгъо университетым шIэныгъэмкIэ ыкIи инновациехэмкIэ ипарк ары.