“Адыгэ макъэм” къыхиутыгъагъэу “Илъэс къэс зэхащэщт” зыфиIорэ статьяу атлетикэ онтэгъумкIэ Хъуажъ Мэджыдэ Хьамидэ ыкъом фэгъэхьыгъагъэм сигуапэу седжагъ.

Мы зэнэкъокъур зэхамыщэзэ сыгумэкIэу сыхэтыгъ: «Хъуажъым шIушIагъэу иIэм сыда ыгъэсагъэхэм пагъохыжьыщтыр?» сIощтыгъ. 1960—70-рэ илъэсхэм Улэпэ еджапIэр къызаухым тикIалэхэр къалэм еджапIэ, IофшIапIэ лъыхъухэу кIуагъэх. Ахэр мыщ зэрэщыхъущтхэр къэшIэгъоягъ, ау ахэр Хъуажъ Мэджыдэ зыкъуиубытагъэх. Еджэн, IофшIэн уахътэм ауж ныбжьы-кIэхэр спортым кIигъэгушIухэу, ахэр чылэм къызыкIожьхэкIэ зэнэкъокъухэм, зэхахьэхэм ахэлажьэхэу рагъэжьэгъагъ.

Къэлэ кIоцIым зэнэкъокъухэр щыре-кIокIыщтыгъэх, ащ зыфагъэхьазыры зыхъукIэ спортсменхэм зэрэшхэн алъэкIыщт талонхэр къаратыщтыгъэх. Ащ фэдэ IэпыIэгъур кIалэхэм къашъхьа-пэщтыгъ. Ащ къыщегъэжьагъэу ибын зэрафыщытым фэдэу Хъуажъыр ыгъа-сэхэрэм апылъыщтыгъ, ежь иахъщэкIи ыгъашхэхэу бэрэ къыхэкIыщтыгъ, цIыфы-гъэшхо хэлъыгъ.

Хъуажъым гулъытэу, гукIэгъоу хэлъы-гъэр кIалэхэм зэхамышIыкIэу щытыгъэп, ащ щысэ тырахызэ ящыIэныгъэ гъогу къакIугъ.

ШIэныгъэкIэ псыхьэгъэ цIыфыр нахь лъэш мэхъу. Анахьэу тиныбжьыкIэхэр зыфэдгъэсэнхэ фаер адыгагъэр, цIыфыгъэр ары.

Хъуажъым цIыфхэм шIоу афишIагъэр тщыгъупшэ хъущтэп. Мэджыдэ икIалэу Юрэ атлетикэ онтэгъум пыщагъэу ыпIугъ. Хъуажъым ыгъэсагъэхэм ащыщхэм гъэхъэгъэшIухэр ашIыгъэх, ахэтых ахэм Урысыем ичемпионхэр, спортымкIэ дунэе класс зиIэ мастерхэр, нэмыкIхэри. ПЩЫКЪЭНЭ Май. Сурэтыр: «Адыгэ макъэм» ихъарзынэщ.