Ислъам диным фытырыр, зэчатэр, сэдакъэр хэтых. Зэчатэр цIыфым имылъку (ахъщэми, лэжьыгъэми) хихын фае. Мылъку зимыIэм сэдакъэ еты. Ащ уахъти, хэхыгъи пылъэп, уиIэр тхьамыкIэм еоты.

Зэчатэр Тхьэм къазкIытырилъхьагъэр зэхэтыкIэ дахэхэр цIыфхэм къахилъхьанхэм пай, ар диным ылъапсэмэ ащыщ. ТхьамыкIэхэмкIэ гукIэгъу ахэлъэу зэчатэм цIыфхэр ешIых, якъин атыреIэтыкIы, гур егъэкъабзэ, тхьамыкIэр баим емышъугъоу, емынэкъокъоу, мыхъун ымышIэу ешIы, джащ фэдэу байми ыгу егъэкъабзэ, хьарамыгъэм зыщидзыеу регъасэ, хьалэл ешIы. НэкIмазэм быслъы­мэным нэкI зыIыгъхэр ыгъэшхэнхэу, пчыхьэрэ хигъэIэжьынхэу амал иI. НэкIым быслъымэныр щэIагъэм, нэмыкIхэм афигъэгъуным, афигъэкIотэным, мыгубжыным, ыбзэгу фэсакъыным афегъасэ.

Фытырыр зыми хахьэрэп. Зэзакъо НэкIмазэм ыкIэм птын фае. Уфаемэ, нэкIыр зэрэрагъажьэу птын уфит, ау бирам нэмазыр рамыгъажьэзэ ар зытебгъэкIынэу щыт. ЫкIэм нахь бгъэкIуатэмэ нахьышIу, тхьамыкIэм зыгорэ IэкIэлъэу Бирамым техьаным фэшI.

ФытырыпкIэр мыгъэ сомэ 250-рэ мэхъу.

Адыгеим ыкIи Пшызэ шъолъыр ащыпсэурэ быслъымэнхэм я ДиндэлэжьапI