Кощхьэблэ районым Iоф щызышIэрэ хьыкум приставыр кIэлэпIупкIэм ылъэныкъокIэ чIыфэ зэIузыгъэкIэгъэ ыкIи гъогурыкIоныр щынэгъончъэнымкIэ Къэралыгъо автоинспекцием къытырилъхьэгъэ тазырхэр игъом зымыпщыныгъэ хъулъфыгъэм пчъагъэрэ IукIагъ, дэгущыIагъ, изекIуакIэ зэрэмытэрэзыр гуригъэIуагъ.

Автомобилыр зэрифэным ифитыныгъэ ащ Iахыгъагъ, ау ар зыдэщыIэр агъэунэфын алъэкIыгъэп.

ХэбзэухъумакIохэм зэра­хьэгъэ лъыхъон Iофтхьа­бзэхэм яшIуагъэкIэ хъулъфыгъэм тетхэгъэ автомобилыр агъэунэфыгъ, мылъкум арест тыралъхьагъ.

Джырэ уахътэм чIыфэм икъэтыжьын ар фежьагъ. Ау пIалъэу фагъэнэфагъэм ехъулIэу къызимыпщынкIэ, машинэр ащэщт, ащ кIэ­кIырэ ахъщэр чIыфэм пэ­Iуагъэхьажьыщт.

Тазырхэм адакIоу, кIэлэпIупкIэр игъом шъутын, мы лъэныкъомкIэ шъуи­пшъэрылъхэр шIокI имыIэу жъугъэцэкIэнхэ зэрэфаер джыри зэ шъугу къэтэгъэ­кIыжьы. Хэбзэгъэуцугъэр зыукъохэрэм пшъэдэкIыжь арагъэхьыщт, джащ фэдэу уголовнэ Iофи къафызэIуа­хын алъэкIыщт. Ащ нэшъумыгъэсэу шъуисабыйхэм атефэрэ ахъщэр игъом аIэ­кIэжъугъахь.

Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу