Сыд фэдэрэ лъэхъани хэгъэгум икъэухъумэн хъулъфыгъэ пэпчъ ипшъэ­рылъэу алъытэ. Къэралыгъор зытетын фаем фэдэу зылъэшыщт закъор ащ хэхъоныгъэ ышIэу, ылъапсэ пытэу, баеу, цIыф лъэпкъ зэ­фэшъхьафыбэ зэгурыIохэу, шъхьафитэу щыпсэухэ зыхъукIэ ары.

Сыдигъуи ар дзэм ипшъэры­лъэу щыт. ЫныбжьыкIэ, ипсауныгъэкIэ зытефэрэ ныбжьыкIэхэр ащ кIохэу хабзэ. Ары пакIошъ, зэзэгъыныгъэ шIыкIэм тетэу къулыкъум нэбгырабэмэ падзэжьы. Зыхэр къулыкъушIэным нэмыкI фэмыкъулайхэу къыхэнэжьых, адрэхэм федэ­къэкIуапIэу, фэгъэкIотэнэу пылъхэм акIэгушIухэу къыхахы.

Зэзэгъыныгъэ шIыкIэм тетэу дзэ къулыкъум кIонхэр къыхэзыхыхэрэм дзэ комиссариатхэм зыфагъэзэн алъэкIыщт.

Шъугу къэдгъэкIыжьын, зэзэгъыныгъэ шIыкIэм тетэу къулыкъур пхьыным шIуагъэу пылъхэр. Ахэм ащыщхэр: ахъщэ тын зэ­фэшъхьафыбэхэр, ыпкIэ зы­хэмылъ медицинэ IэпыIэгъур, гъо­мылапхъэхэр ыкIи шъуашэкIэ Iыгъыгъэнхэр, социальнэ пакет псаур зэрэщытэу.

Адыгеим идзэ комиссар шъхьа­Iэу Александр Авериным къызэрэтфиIотагъэмкIэ, цIыфыр зэзэгъыныгъэм зэрэкIатхэрэм пае ыкIи еджэныр екIуфэ сомэ мин 500-м ехъу федеральнэ ыкIи республикэ бюджетхэм къарыкIэу раты.

ТигущыIэгъу къызэрэхигъэщыгъэмкIэ, дзэ пшъэрылъхэр зыгъэцэкIэрэ къулыкъушIэхэм социальнэ шэсхэм анэмыкIэу мазэм сомэ мин 300-м кIахьэу къагъахъэ.

ЗэзэгъыныгъэмкIэ къулыкъур зыхьын зылъэкIыщтхэр зыныбжь илъэс 60-м нэмысыгъэхэр ары. Зэзэгъыныгъэм кIатхэ зышIоигъохэр шъхьадж ежь зыщы­псэурэм елъытыгъэу зэпхыгъэхэ дзэ комиссариатым екIолIэн­хэшъ, лъэIу тхылъыр щатхын алъэ­кIыщт нахь игъэкIотыгъэу фэ­гъэкIотэнэу щыIэхэр шъушIынхэу шъуфаемэ, телеграмм-каналэу Адыгея — Служу Родине зыфиIорэм шъукIатх.

Iэшъынэ Сусан.