Гъогухэм атырагъэуцощтых
Гъогухэр щынэгъончъэу щытынхэмкIэ зишIогъэшхо къакIохэрэм ащыщых видео ыкIи сурэт тезыхырэ камерэхэр. Ар къыIуагъ АР-м и ЛIышъхьэ.
КъумпIыл Мурат къызэрэхигъэщыгъэмкIэ, республикэм игъогухэм камери 132-рэ атырагъэуцогъах, мыгъэ джыри видео ыкIи сурэт тезыхыщт камерэ 18 ахэм ахагъэхъощт. Аварие нахьыбэрэ зыщашIырэ чIыпIэхэу агъэнэфэщтхэр ары камерэхэр зыдагъэуцущтхэр. Джащ фэдэу гъогухэм язытет къызэтегъэнэгъэным фэшI хьылъэзещэ машинэхэм алъыплъэщт щэчэлъитIу автоматическэ шIыкIэм тегъэпсыхьагъэхэу республикэм щагъэуцугъэх. Мыгъэ джыри ащ фэдитIу агъэпсыщт.
— Зэхэубытэгъэ IофшIэнэу мы лъэныкъомкIэ дгъэцакIэрэм ишIуагъэ къызэрэкIорэм щэч хэлъэп: икIыгъэ илъэсым, ащ ыпэрэм елъытыгъэмэ, Адыгеим игъогухэм мыхъо-мышIэу атехъухьагъэр нахь макIэ хъугъэ, ахэм ахэкIодагъэхэм япчъагъи къыкIичыгъ, — къыIуагъ АР-м и ЛIышъхьэ.
Сурэтыр: ЗэIухыгъэ къэбарлъыгъэIэс амалхэр.