Адыгеим исамбист дунэе зэнэкъокъум хагъэунэфыкIырэ чIыпIэр къы­щыди­хыгъ. Iофтхьа­бзэр гъэтхапэм и 24-м щегъэжьагъэу и 27-м нэс Москва щыкIуагъ. Белоруссием, Китай, Къыблэ Кореем, Казахстан, Киргизием, Туркменистан, Узбекистан, Армением, Таджикистан, Марокко, Молдовэм яспортсменхэр зэнэкъукъухэм ахэлэжьагъэх. Урысыем ихэшыпыкIыгъэ командэ ти­бэнэкIо анахь дэгъу 86-рэ хэхьагъ, ахэм ащыщыгъ Тэхъутэмыкъое районым икIэлэ пIугъэу Наш Расул. Килограмм 71-м нэс къэзыщэчыхэрэм якуп ар щы-бэнагъ, зэкIэмкIи спортсмен 18 ащ ха­хьэщтыгъ. Наш Расул гъогогъуи 4 бэнагъэ. Апэ Таджикистан ыкIи Белоруссием къарыкIыгъэхэм атекIуагъ. Финалныкъом Урысыем щыщ Иван Агафоновым IукIагъ ыкIи ащи къышIуихьыгъ. Ау финалым опытышхо зыIэкIэлъ Узбекистан испортсменэу Дилшоду Юлдашевыр къыщытекIуагъ. Дунэе мэхьанэ зиIэ зэнэкъокъухэм Адыгеим ибэнакIо ятIонэрэ чIыпIэр къащыдихыгъ. Ащ итренерых Джарымэкъохэу Рус­тамрэ Аслъанрэ. БЗЭШIУ Асхьад.