Электричествэм тефэрэ ахъщэр игъом ыкIи икъоу зымытыжьышъухэрэм яунэхэм электричествэр алъамыгъэIэсын, тазырхэр атыралъхьан ыкIи нэмыкI Iофтхьабзэхэр адызэрахьанхэ фитыгъэх.

Джы Iахьзэхэлъ обществэу «ТНС энерго Кубань» зыфиIорэм къызэрэщатыгъэмкIэ, чIыпIэ къин ифэрэ цIыфхэм яшIуагъэ арагъэкIызэ ашIынэу рахъухьагъ: игъорыгъозэ, зэзэгъыныгъэу зэдашIырэм тетэу, ахъщэр атыжьызэ ашIыщт. Ау мыщ дэжьым къэIогъэн фае нэбгырэ пэпчъ чIыфэу телъымрэ хахъоу иIэмрэ зыфэдизхэр зэрагъашIэхэзэ зэрашIыщтыр.

2022-рэ илъэсым унэгъо 1759-мэ ячIыфэ (сомэ миллион 65-рэ фэдиз) игъорыгъозэ атыжьымэ хъунэу амал аратыгъагъ. Анахьэу ахэм къахиубытагъэхэр сомэ мини 10-м шIокIэу чIыфэ зытелъхэр ары. ЛъэIу тхылъыр заIэ-кIахьэрэм ыуж чIыфэ зытелъым зэтыгъоу ахъщэ гъэнэфагъэ ытын фаеу мэхъу. Адрэ къэнагъэмкIэ график фызэхагъэуцо, мазэ къэс ытын фаеу хъущтым щагъэгъуазэ.

Ащ фэдэ лъэIур къыфагъэцэкIэным пае цIыфым мыщ фэдэ документхэр аIэкIигъэхьанхэ фае:

- ахъщэр игъорыгъоу зэритыжьыщтым фэгъэхьыгъэ лъэIу тхылъыр;

- лъэIу тхылъым игъусэн фае унэр ежь иунаеу зэрэщытыр, ащкIэ фитыныгъэ зэриIэр къэзгъэшъыпкъэжьырэ тхылъыр;

- паспортым икопие;

- лъэIу тхылъым зэрэхэплъагъэхэмкIэ ыкIи кIэухэу ащ фэхъугъэмкIэ къэбарыр зэрыт тхылъэу къыIэкIэхьажьыгъэр;

- обществэу «ТНС энерго Кубань» зыфиIорэм къепхыгъэ офисэу тхылъхэм зыщахаплъэхэрэм къаIихыгъэ тхылъэу зэкIэми апэу ытын фэе ахъщэр зыфэдизыр зэрытыр.

Мы компанием фэгъэхьыгъэу кIэкIэу: Краснодар краимрэ Адыгэ Респуб-ликэмрэ къахиубытэрэ чIыпIэхэм электроэнергиер игъом аIэкIэгъэхьэгъэным фэгъэзагъ. Ащ хэхьэх къутэми 6-рэ Гупчэ 53-рэ.

Iахьзэхэлъ обществэу «ТНС энерго Кубань» зыфиIорэм ипресс-къулыкъу

Тел.: +7(861)997-70-01. E-mail: pressa@kuban.tns-e.ru