Адыгеим шэмбэт шIыхьафхэр щырагъэжьагъэх, муниципалитетэу щыIэмэ зэкIэм къэбзэныгъэм щалъэплъэх. Компаниеу «ЭкоЦентрэм» ихэушъхьафыкIыгъэ машинэхэм мэфи 10-м къыкIоцI пыдзэфэ кубометрэ 300-м ехъу лицензие зыпылъ полигонхэм ащагъ, ар экологием епхыгъэ акцием къыдыхэлъытагъэу агъэцэкIагъ.

«ШIоигъоныгъэ зиIэ пэпчъ мы IофыгъошIум къыхэлэжьэн ылъэкIыщт. Уахътэри ащ фытегъэпсыхьагъ: тыкъэзыуцухьэрэ дунаир къэкIэжьы, уц шхъуан- тIэм зыкъештэ, ар дахэу, къабзэу нэ- плъэгъум итыным фэшI хэкIхэр къыддэшъуугъоин шъулъэкIыщт. Бэп ащ ищыкIагъэр, Iэбыцорэ пыдзафэхэр зэрышъутэкъощт Iалъмэкъхэмрэ», — къыIуагъ «ЭкоЦентрэм» и Адыгэ къутамэ ипащэу Алыбэрд Налбый.

Арэущтэу псэугъэх Мыекъуапэ щыщ унагъоу Сычевхэр, ахэм къэлэ шъхьаIэм къыпэIулъ мэз шъолъырыр къаукъэбзыгъ.

«ТымыгуIэу мэзым къыщыткIухьан, жьы къабзэ къэтщэн тыгу хэлъыгъ. Ау хэкIэу итэкъухьагъэр зытэлъэгъум, ар Iутымыхыжьыныр зыфэтыдагъэп. Сыхьатищым къыкIоцI пыдзэфэ дзыо 20 къэтыугъоигъ. Пластикэм ыкIи апчым ахэшIыкIыгъэ бэшэрэбхэр, зэгъогогъо агъэпсэолъэрэ лагъэхэр ары нахьыбэрэмкIэ зыгъэпсэфакIохэм къагъа- нэхэрэр»,— къыIотагъ Яна Сычевам.

Республикэм игъэкъэбзэн епхыгъэ Iофтхьабзэхэр лъагъэ- кIотэщтых. ШIыхьафэхэр зэрэзэхащэщтхэмкIэ пэшIорыгъэшъэу макъэ къарагъэIунэу шъолъыр операторыр къяджэ. Къэбарыр ашIэмэ, хэкIэу къаугъоирэри афыдащыщт. Ащ пае хэушъхьафыкIыгъэ письмэ компанием фа- гъэхьми хъущт е телефон номерэу 8-962-868-I4-62-м теонхэ алъэкIыщт.

«ЭкоЦентрэм» и Адыгэ къутамэ ипресс-къулыкъу