Тыкъэзыуцухьэрэ дунаим фэсакъыгъэным фэшI Адыгеим щыIэ шъолъыр операторым тхьапэ квитанциехэр щигъэ- зыенхэ гухэлъ иI, ащ электроннэ документхэмкIэ Iоф ышIэнэу рехъухьэ.

Документхэу пыдзафэхэр зэрэIуащыхэрэм ыпкIэ зэрытхагъэхэр электроннэ шIыкIэмкIэ Компаниеу «ЭкоЦентрэм» иабонент мини 6,5-мэ джырэ уахътэм аIуагъакIэ.

«Тыкъэзыуцухьэрэ дунаим тыфэса- къыныр апшъэрэ пшъэрылъэу тикомпание иIэхэм ащыщ. Гъэтхэпэ мазэм Урысыем иэкологическэ оператор къытэ- джагъ псэупIэ-коммунальнэ фэIо-фашIэхэм апае агъэхьазырырэ тхьэпэ квитанциехэр щыдгъэзыенхэу, ащ ычIыпIэкIэ электроннэ шIыкIэр дгъэфедэнэу. Мазэ къэс электроннэ квитанциер абонентым фагъэхьы, почтэм алъимыгъэ- Iэсыгъэу, амылъэгъугъэу аIон алъэ- кIыжьыщтэп, ищыкIагъэ хъумэ, хъарзынэщэу къызэрынэжьыгъэм къипхыжьын плъэкIыщт. Ащ нэфэшъхьафэу, унагъом исхэм ащыщэу нахь амал зиIэм пыдза- фэхэм ядэщын тефэрэ уасэр ытын ылъэ- кIыщт, къыпэблэгъэ цIыфым дэIэпыIэшъущт»,—къыIуагъ пшъэдэкIыжь зыхьы- рэ обществэу «ЭкоЦентрэм» и Адыгэ къутамэ ипащэу Алыбэрд Налбый.

Электроннэ квитанциер къыпIукIэным фэшI «Личный кабинет» зыфиIорэм уихьан ыкIи шъолъыр операторым исайтэу https://adygeya.clean-rf.ru ущыкIэтхэн фае. УпчIэу къэуцухэрэм яджэуап жъугъотыщт мыщ фэдэ телефон номерымкIэ шъутеомэ: 8-995-904-98-94-рэ. Пчэдыжь сыхьатыр 10-м къыщегъэжьагъэу пчыхьэм сыхьатыр 7-м нэс къулыкъушIэхэм шъуадэгущыIэн шъулъэкIыщт.

«ЭкоЦентрэм» и Адыгэ къутамэ ипресс-къулыкъу