Адыгэ Республикэм и Къэралыгъо Совет — Хасэм ия 22-рэ зэхэсыгъо 2023-рэ илъэсым гъэтхапэм и 29-м зэIуагъакIэ.

Iофыгъоу зытегущыIэщтхэм мы къыкIэлъыкIохэрэр ахагъэхьагъэх: Адыгэ Республикэм и МВД 2022-рэ илъэсым Iофэу ышIагъэм икIэуххэм язэфэхьысыжьын, законопроектхэу «Муниципальнэ образованием илIыкIо къулыкъу идепутатхэм яхэдзын ехьылIагъ», ­«Адыгэ Республикэм чIыпIэ планированиемкIэ исхемэ ипроект зэрагъэхьазырыщт шIыкIэм ехьылIагъ», «Адыгэ Республикэм имуниципальнэ къулыкъу иIэнатIэхэм я Реестрэ ехьылIагъ» зыфиIохэрэм зэхъокIыныгъэхэр афэшIыгъэнхэр, законопроектхэу «Промышленнэ политикэм иIофыгъо заулэхэм ягъэтэрэзын ехьылIагъ», «Административнэ хэбзэукъоныгъэхэм яхьылIагъ», «Социальнэ лъэныкъомкIэ гъэфедэгъэным фыте­гъэпсыхьэгъэ фондым цIыфхэр зычIэсыщтхэ унэхэр зэзэгъыныгъэм тетэу щягъэгъотыгъэнхэм епхыгъэ Iофыгъо заулэхэм яхьылIагъ», «Адыгэ Республикэм имуниципальнэ къулыкъу ехьылIагъ», «Жъэгъэузыр къямыгъэутэлIэгъэным ехьылIагъ», «Адыгэ Республикэм машIом зыкъыщимыштэнымкIэ Iофтхьабзэхэм яхьылIагъ» зыфиIохэрэм апэрэу ахэплъэгъэныр ыкIи нэмыкI Iофыгъохэр.

Адыгэ Республикэм и Къэралыгъо Совет — Хасэм изэхэсыгъо сыхьатыр 10-м рагъэжьэщт. Адыгэ Рес­публикэм и Урыс къэралыгъо драматическэ театрэу А. С. Пушкиным ыцIэкIэ щытым ар щыкIощт. ЧIыпIэу зыдэщыIэр: къ. Мыекъуапэ, Пушкиным иурам, 179.

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр