Адыгеим проектыкIэу щатIупщыгъэм зэреджагъэхэр «Свалкам.NET». Ащ игъэцэкIэн республикэм щыпсэухэрэр къыхагъэлажьэзэ тичIыналъэ нахь къабзэ ыкIи нахь дахэ ашIыныр зэхэщакIохэм ягухэлъ.

ХэушъхьафыкIыгъэ телеграм-ботыр бгъэфедэзэ хэкIэу ратэкъугъэр, джащ фэдэу щэрэхъыжъхэр, псэолъэ пъыгъо— хэр ыкIи нэмыкI пыдзафэхэр зыдэщыIэ чIыпIэр шъолъыр операторым фэпIопщын плъэкIыщт, ахэм яIухыжьын ыуж итыщтыр Iофым фэгъэзэгъэ организациехэр ары.

ПшъэдэкIыжь зыхьырэ обществэу «ЭкоЦентр» зыфиIорэм и Адыгэ шъолъыр къутамэ ипащэу Алыбэрд Налбый мы IофыгъуакIэм мары къыриIуалIэрэр: «ТиреспубликэкIэ мэхьанэшхо зиIэ проектыкIэм тыдэлажьэ, тэгугъэ цIыфхэм гугъуемылIыныгъэ къызхамыгъэфэнэу, пыдзафэу апэ къифэхэрэр зыдэщылъхэр къытфаIопщызэ ашIынэу. Псэолъэ ыкIи промышленнэ хэкIэу ратэкъугъэхэр зыдэщыIэ чIыпIэхэр къызытаIорэм, бэ тырамыгъашIэу тиIофышIэхэм Iуахыжьызэ ашIыщт. Джырэ уахътэми ары Iоф зэрэтшIэрэр, ау мы проектым ишIуа— гъэкIэ ащ фэдэ чIыпIэхэр нахьыбэу къыхэдгъэщынхэу къысшIошIы.

Бэрэ къыхэкIы ыпкIэ зэрамытыщтым фэшI хэушъхьафыкIыгъэ полигоным пыдзафэхэр амыщэхэу, ахэр мэз гъунэхэм ащаратэкъухэу. ГухэкIми, бизнесым пылъхэмрэ цIыф къызэрыкIохэмрэ нэй-псыеу ахэтхэр ары гумэкIыгъор къытфэзыхьырэр, тыкъэзыуцухьэрэ дунаир зыуцIэпIыхэрэр.

Шъугу къэдгъэкIыжьын, пыдзафэхэр изытэкъугъэу къаубытыхэрэм административнэ пшъэдэкIыжь арагъэхьы. Шапхъэу щыIэхэм адиштэу хэкIыр дязыгъэщы зышIоигъохэм тикомпаниеу «ЭкоЦентрэм» зэзэгъыныгъэ дашIы».

ПшъэдэкIыжь зыхьырэ обществэу «ЭкоЦентрэм» ипресс — къулыкъу