Адыгэ Республикэм ыкIи Пшызэ шъолъыр ащыпсэурэ быслъымэнхэу лъытэныгъэ зыфэтшIыхэрэр!
Быслъымэнхэм агъэлъэпIэрэ НэкIмэзэ мазэр зэредгъэжьагъэм фэшI сышъуфэгушIо!
ГукIэгъушхо зыхэлъ Алахьталэм ыцIэкIэ зыкъышъуфэсэгъазэ!
АР-м ыкIи Пшызэ шъолъыр ащыпсэурэ быслъымэнхэм я ДиндэлэжьапIэ ыцIэкIэ мэзэ лъапIэу Рэмэзаныр зэредгъэжьагъэмкIэ быслъымэнхэм зэкIэми сафэгушIо!
Алахьталэм игукIэгъу, КъурIаным иапэрэ Iаятхэр къызыщытлъыIэсырэ мэзэ лъапIэу мыр щыт. Рэмэзаным ичэщ анахь лъапIэхэм ащыщэу Къадыр чэщыр мэзэ минхэм анахь лъапI.
Мы мазэр зэрифэшъуашэу итхынэу, шIушIэ Iофыгъохэр зэшIотхынхэ тлъэкIынэу Алахьталэм телъэIу! ЗэкIэми псауныгъэ пытэ, мамырныгъэ тиIэнэу ыкIи Алахьталэм игукIэгъу къытлъыIэсынэу сышъуфэлъаIо.
АР-м ыкIи Пшызэ шъолъыр ащыпсэурэ быслъымэнхэм ямуфтиеу Къэрдэнэ Аскэрбый.