ЦIыфхэр экстремизмэм хищэнхэм интернетым инэкIубгъохэмкIэ къызэрэфэджагъэм фэгъэхьыгъэу Мыекъопэ къэлэ хьыкумыр зыхэплъэгъэ Iофым епхыгъэ унашъом кIуачIэ иIэ хъугъэ.

УФ-м и Уголовнэ кодекс ия 280-рэ статья (интернетымкIэ цIыфхэр экстремизмэм хищэным къызэрэфэджагъэм) къыпкъырыкIызэ, Мыекъопэ къэлэ хьыкумым Урысыем щыпсэурэ Р.Н.Паниным пэщэ IэнатIэ ыIыгъын фимытэу, илъэси 2 хьапс условнэу ыкIи интернет сайтым илъэси 2 пIалъэкIэ рылэжьэн ымылъэкIынэу пшъэдэкIыжь тырилъхьагъ.

ЗэрагъэунэфыгъэмкIэ, Р.Н. Паниныр амытхыгъэ объединениеу «СССР» зыфиIорэм хэтэу социальнэ хъытыу горэм иаккаунт къызфигъэфеди, хэбзэ къулыкъухэм ыкIи гъэIорышIапIэхэм ялIыкIохэм, джащ фэдэу лъэпкъ зэфэшъхьафхэм зафигъази, экстремизмэ нэшанэ зиIэ купым хэхьанхэу къяджагъ.

2022-рэ илъэсым чъэпыогъум щынэгъончъэнымкIэ Федеральнэ къулыкъум ишъолъыр ГъэIорышIапIэ Р.Н.Паниным уголовнэ Iофэу къыфызэIуихыгъэм хэплъагъ ыкIи зэхифыгъ. Унашъом кIуачIэ иIэ хъугъэ.

ЩынэгъончъэнымкIэ Федеральнэ къулыкъум и ГъэIорышIапIэу АР-м щыIэм ипресс-къулыкъу.