Адыгеим и ЛIышъхьэ илъэс зэфэхьысыжьхэр къышIыщтых
Адыгэ Республикэм иминистрэхэм я Кабинет 2022-рэ илъэсым Iоф зэришIагъэр непэ къызэфихьысыжьыщт Адыгеим и ЛIышъхьэу КъумпIыл Мурат.
Ащ фэгъэхьыгъэу республикэм ипащэ къыщитхыгъ и Телеграм-нэкIубгъо. Зэфэхьысыжь зэхэсыгъом депутатхэр, общественнэ IофышIэхэр, федеральнэ хэбзэ къулыкъухэу шъолъырым щылажьэхэрэм, республикэ къулыкъу ыкIи организациехэм, муниципальнэ псэупIэхэм ялIыкIохэр, къэбарлъыгъэIэс амалхэр къырагъэблэгъагъэх.
Зэхэсыгъом икIэуххэмкIэ зэфэхьысыжь гущыIэм нахь игъэкIотыгъэу нэIуасэ шъущыфэхъун шъулъэкIыщт Адыгэ Республикэм и ЛIышъхьэрэ министрэхэм я Кабинетрэ я Администрацие исайт, джащ фэдэу къэбарлъыгъэIэс амалхэм къатыжьыщт. «Адыгэ макъэм» ащ фэгъэхьыгъэ игъэкIотыгъэ къэбарыр неущ къихьащт, непэ тисайт джащ фэдэу ижъугъотэщт.