Зэнэкъокъу зэхащагъ
Урысые фестиваль-зэнэкъокъоу «Хрустальнэ жъогъожъыехэр» зыфиIорэм сэнаущыгъэ зыхэлъ кIэлэцIыкIухэр хэлэжьэнхэу рагъэблагъэх. Ащ кIэщакIо фэхъугъ хьыкум приставхэм я Федеральнэ къулыкъу.
Iофтхьабзэм хэлэжьэнхэ алъэкIыщт хьыкум приставхэм, хэбзэухъумэкIо къулыкъухэм, къэралыгъо структурэхэм ялIыкIохэм якIэлэцIыкIухэр, еджэпIэ-интернатхэм ачIэсхэр, нэмыкIхэри.
Фестиваль-зэнэкъокъум хэлажьэхэрэр купитIоу зэтеутыгъэх: илъэси 7 — 12 ыкIи илъэс 13 — 18 зыныбжьыхэр. Зэнэкъокъум ифинал ыкIи игала-концерт Москва щыкIощт.
Урысые зэнэкъокъум текIоныгъэр къыщыдэзыхыхэрэр осэшIхэм къыхахых. Ахэм ахэтых культурэм ыкIи искусствэм ащызэлъашIэрэ цIыфхэр, политикхэр ыкIи общественнэ организациехэм ялIыкIохэр. ГущыIэм пае, Илзэ Лиепа, Ангелина Вовк, Илья Резник, Валентина Талызинар, Сергей Волчковыр, Валентина Петренкэр. ОсэшIхэм япащ Урысыем инароднэ артистэу Евгений Глазовыр.
Урысые фестиваль-зэнэкъокъум изэхэщэн фэгъэхьыгъэ къэбар ижъугъотэщт хьыкум приставхэм я Федеральнэ къулыкъу исайтэу «https://fssp.gov.ru/public_social_xz/» зыфиIорэм, джащ фэдэу мыщ и ГъэIорышIапIэу Адыгеим щыIэм иофициальнэ сайт.