Адыгеим сабыибэ зэрыс унэгъо 7888-рэ щэпсэу. Сабыибэ зэрыс унэгъо 5316-мэ 2022-рэ илъэсым республикэ бюджетым имылъкукIэ социальнэ ахъщэ IэпыIэгъу зэфэшъхьафхэр аратыгъэх. Адыгэ Рес- публикэм Iоф- шIэнымрэ социальнэ хэхъоныгъэмрэкIэ и Министерствэ къызэриты- гъэмкIэ, гъэ- рекIо унэгъо 983-у ящэнэрэ, яплIэнэрэ сабыйхэр къызыфэхъугъэхэм сомэ мин 50 зырыз аратыгъ. Унэгъо мини 3,5-у сабыищым ехъу зиIэхэм мазэ къэс сомэ 12000 аIукIагъ. Республикэ бюджетым сомэ миллиони 124-м ехъоу къыхагъэкIыгъэмкIэ сабыибэ зиIэ унагъохэм арыс кIэлэеджа- кIохэр ыпкIэ амытэу зэращагъэх, коммунальнэ фэIо-фашIэхэм алъатыгъэми къафарагъэгъэзэжьыгъ. Урысыем и Социальнэ фонд Адыгэ РеспубликэмкIэ икъутамэ 2022-рэ илъэсым сомэ миллиарди 2 фэдиз сабыибэ зэрыс унагъохэм аритыгъ. Ны (унэгъо) мылъкум къыдыхэлъытагъэу республикэм сомэ миллиардрэ миллиони 139-рэм ехъу щаIэкIагъэхьагъ. Сурэтхэр: зэIухыгъэ къэбарлъыгъэIэс амалхэр.