Кощхьэблэ районым ит поселкэу Майскэм пшъэ- дэкIыжь ягъэхьыгъэнымкIэ Адыгеим и ГъэIорышIапIэ епхыгъэ гупчэ къыщызэIуахыщт.

БэмышIэу Кощхьаблэ щырекIокIыгъэ зэхэсыгъом ар къыщиIуагъ мы гъэIорышIапIэм ипащэ игуадзэ иIэнатIэ зыгъэцэкIэрэ хэгъэгу кIоцI къулыкъум иподполковникэу ШIуцIэ Юрэ. КъулыкъушIэм зэрэхигъэунэфыкIыгъэмкIэ, гупчэу къызэIуахыщ- тым хьапс зытелъ нэбгырэ 325-рэ щаIыгъыщт, ахэр районым ит хъызмэтшIапIэхэм ащагъэлэжьэщтых.

Хьэпсэдэсхэм IофшIэн ягъэгъотыгъэным чIыпIэ зыгъэIорышIэжьыпIэхэм япащэхэр фэгъэзэгъэнхэу ыкIи бизнесым пылъхэр ащ къыхагъэлэжьэнхэу зэрэщытыр Кощхьэблэ районым иадминистрацие ипащэу Хьамырзэ Заур зэхэсыгъом къыщиIуагъ.

2019-рэ илъэсым ижъоныгъокIэ мазэ и 9-м Урысые Федерацием щынэгъончъэнымкIэ и Совет ышIыгъэ унашъом ыкIи жъоныгъуакIэм и 16-м Урысые Федерацием и Президент зыкIэтхэжьыгъэм къапкъырыкIыхэзэ мы Iофтхьабзэр агъэцакIэ. Унашъом къыщеIо пшъэдэкIыжь ягъэхьыгъэнымкIэ ГъэIорышIапIэу Адыгеим итым епхыгъэ гупчэхэм зягъэушъомбгъугъэныр, къыщаIотагъ Урысыем пшъэдэкIыжь ягъэхьыгъэнымкIэ ифедеральнэ къулыкъу и ГъэIорышIапIэу Адыгэ Республикэм щыIэм.