Илъэсым — нэбгырэ 76-рэ
2022-рэ илъэсым ВИЧ-инфекцие апэ иIэ хъугъэу диспансер учетым нэбгырэ 76-рэ хагъэуцуагъ. ЗэкIэмкIи ащ фэдэ уз иIэу Адыгеим сымэджэ 824-рэ щэпсэу. Псауныгъэр къэухъумэгъэнымкIэ АР-м и Министерствэ ипресс-къулыкъу а къэбарыр къытыгъ.
ВИЧ-инфекцием епхыгъэ Iофыгъомэ министерствэм лъэшэу ынаIэ атырегъэты, ащ зимыушъомбгъуным фэшI макIэп ышIэрэр. Агъэунэфыгъэ пчъагъэм щыщэу нэбгырэ 740-рэ диспансер учетым хэтых, ахэм ренэу алъэплъэх, яIазэх. Вирусым пэшIуекIорэ терапиер нэбгырэ 667-мэ арагъэгъоты, ар учетым хэтым ипроцент 91,5-рэ зэрэхъурэр.
— БлэкIыгъэ илъэсым зэфэхьысыжьхэр фэпшIыхэмэ, ВИЧ-инфекцие зиIэ бзылъфыгъэ лъэрымыхь 13-мэ сабыйхэр къафэхъугъэх, ахэм ащыщ нэбгырэ 11-мэ щэгъогогъо химиопрофилактикэр акIугъ. Илъэсым ыкIэм ехъулIэу сабый 11 ВИЧ-инфекциер яIэу учетым хагъэуцуагъ, ахэм ящыкIэгъэ IэпыIэгъур арагъэгъоты, — къыщаIуагъ псауныгъэр къэухъумэгъэнымкIэ АР-м и Министерствэ ипресс-къулыкъу