Кавказ хьисап олимпиадэр Адыгеим зыщызэхащэрэр илъэси 8 хъугъэ.

Дунаим ихэгъэгуи 6-мэ — Армением, Абхъазым, Беларусь, Перу, Таджикистан, Узбекистан, Урысыем ишъолъыр 22-мэ къарыкIыгъэ ныбжьыкIи 130-м ехъур Адыгэ къэралыгъо университетым щыкIорэ олимпиадэм къекIолIагъ. Хэгъэгум ишъолъырыкIэхэм — Донецкэ, Луганскэ народнэ республикэхэм, Запорожскэ, Херсонскэ хэкухэм ялIыкIохэри ащ апэрэу хэлажьэх.

«Зэнэкъокъум нэмыкIэу, Адыгеим ичIыопси, итарихъи, икультури, адыгэ лъэпкъым ишэн-хабзэхэри тиныбжьыкIэхэм зэрашIогъэшIэгъоныщтхэм сицыхьэ телъ. Хьисап квест-джэгукIэу «Интеграл по городу» зыфиIорэр къызыфагъэфедэзэ Мыекъуапэ итарихърэ иархитектурэрэ кIэлэеджакIохэр нэIуасэ фашIынхэ ямурад. Ащ нэмыкIэу ныбжьыкIэхэр адыгэ къашъохэр зыщызэрагъашIэрэ клубым щыIэщтых, спорт ыкIи нэмыкI Iофтхьабзэхэр, хьисапымкIэ ыкIи естественнэ шIэныгъэхэмкIэ лекциехэр афызэхащэщтых.

«Олимпиадэм хэлажьэхэрэм зэнэ­къокъум гъэхъагъэхэр щашIынхэу, яуахъ­тэ гъэшIэгъонэу агъэкIонэу, ныбджэгъу­кIэхэр къагъотынэу сафэлъаIо!» — ­аритхагъ Адыгеим и ЛIышъхьэ социальнэ хъытыухэм.