Пилот зэрымыс быбырэ аппаратхэр Адыгэ Республикэм щымыгъэфедэгъэнхэм фэIорышIэрэ Iофтхьабзэхэр Росгвардием и ГъэIорышIапIэу Адыгеим щыIэм икъулыкъушIэхэм зэхащагъэх. ГъэIорышIапIэм иIофышIэхэм ыкIи идзэ къулыкъушIэхэм пилот зэрымыс аппаратхэр щыгъэзыегъэнхэм фэшI ащ пэшIуекIорэ Iашэр къызфагъэфедэзэ узыгъэгъозэрэ Iофтхьабзэхэр рагъэкIокIыгъэх. Зылъыплъэхэрэ чIыпIэм быбырэ аппаратыр ихьан ымылъэкIыным, джащ фэдэу дроныр зыдэщыIэр гъэунэфыгъэным фэIорышIэхэрэр къулыкъушIэхэм аушэтыгъэх. Пилот зэрымыс аппаратыр гъэкIодыгъэным фэIорышIэрэ дзэ Iашэхэм ащыщэу ПАРС-р къызфагъэфедагъ. Ар орэп ыкIи аппаратыр къыриутэхырэп. Ащ пшъэрылъэу иIэр дроныр къызэтегъэуцогъэныр ары.