Лъыр зыщахащырэ Адыгэ рес­публикэ станцием къыIопщыгъ лъэу А(||) купэу Rh + лъэш дэдэу зэрящыкIагъэр, ащ сымаджэхэр мафэ къэс фэныкъох. Станцием иIофышIэхэм къызэраIуагъэмкIэ, донормэ лъэу къатырэм ишIуагъэкIэ нэбгырэ пчъагъэмэ ящыIэныгъэ къагъэнэжьын алъэкIы.

— ЯтIонэрэ группэм хэхьэрэ лъыр зиIэхэм яшIуагъэ къытагъэкIыным лъэ­шэу тыщэгугъы. Лъы зытыхэу зичэзыу къынэсыгъэхэми, зыкIи лъытыным хэ­мытыгъэхэу, ау тызыщыкIэрэ купым къыхиубытэхэрэм яIэпыIэгъу мэхьанэшхо иI, — къыщаIуагъ псауныгъэр къэухъумэгъэнымкIэ АР-м и Министерствэ ипресс-къулыкъу.