Непэ, гъэтхапэм и 10-м, Адыгэ Республикэм къыщыдэкIырэ гъэзетхэу «Адыгэ макъэмрэ» «Советскэ Адыгеимрэ» яредакциехэр зычIэт унэм Хэгъэгу зэошхом хэлэжьагъэу, журналист IэпэIэсагъэу, усакIоу, Урысыем итхакIохэм я Союз хэтыгъэу, Адыгэ Республикэм культурэмкIэ изаслуженнэ IофышIэу Крючков Юрий Федор ыкъом ишIэжь пхъэмбгъу къыщызэIуахыгъ.

Ащ хэлэжьагъэх Адыгэ Республикэм иветеранхэм я Союз, къэлэ администрацием, Адыгеим итха­кIохэм я Союз, общественнэ организациехэм ялIыкIохэр, иIа­хьыл-благъэхэр, нэ­мыкIхэри. Ю. Крючковым гущыIэ дэхабэ къыфаIуагъ, ишIэжь агъэлъэпIагъ, игъэшIэ гъогу зыфэдагъэр къы­зэхэ­хьагъэхэм кIэкIэу къа­фаIотагъ. Мы хъугъэ-шIагъэм фэгъэхьыгъэ тхыгъэ тигъэзет къыщыхэтыутыщт.