УдыкIэко Адам Теуцожь районым ипащэ хъугъэ
Теуцожь район администрацием ипэщакIэ зыщыхадзыгъэ Iофтхьабзэ муниципальнэ образованием игупчэ непэ щыкIуагъ. Народнэ депутатхэм я Совет иунашъокIэ УдыкIэко Адам а IэнатIэр ратыгъ.
Илъэсэу тызыхэтым ищылэ мазэ районым ипащэщтыгъэу Хьачмамыкъо Азамат нэмыкI чIыпIэ Iоф щишIэнэу загъэкIуагъэм къыщыублагъэу УдыкIэко Адамэ муниципалитетым ипащэ иIэнатIэ ыгъэцэкIагъ. Ащ ыпэкIэ ар район пащэм игуадзэщтыгъ.
Тыгъуасэ хэдзынхэм ямызакъоу, ар а IэнатIэм зэрэIухьагъэм фэгъэхьыгъэ Iофтхьабзэри щыIагъ.
— Шъыпкъагъэ хэлъэу Iоф сшIэнэу, цIыфхэм ящыIакIэ нахьышIу хъуным, муниципальнэ образованием иэкономикэ, социальнэ ыкIи культурнэ лъэныкъохэм хэхъоныгъэхэр ашIынхэм амалэу сиIэр есхьылIэнэу гущыIэ къэсэты, — къыIуагъ УдыкIэко Адам.