Гъэтхапэм и 11-м сыхьатыр 12-м я V-рэ Дунэе Iофтхьабзэу «Адыгэ диктант» зыфиIорэр рагъэкIокIыщт, ар адыгабзэмрэ тхыбзэмрэ я Мафэ фэгъэхьыгъэу захащэ.

Адыгэ къэралыгъо университетыр ары акцием кIэщакIо фэхъугъэр, ар адыгэ филологиемрэ культурэмрэкIэ ифакультет щыкIощт (къалэу Мыекъуа­пэ, урамэу Пушкиным ыцIэ зыхьырэм иунэу N 260-рэ, аудиториер 202-рэ). Джащ фэдэу диктантыр онлайн шIыкIэм тетэу зытхынэу фаехэм апае эфир занкIэм щыIэщт.

Диктантыр адыгэ литературабзэу щыIэмкIэ атхынэу щыт. Диктант Iэпэрытхым техыгъэ сурэтыр телефон номерэу 8(962)7661084-м и WhatsApp бгъэхьыхэмэ, ар ауплъэкIущтхэм ахэфэщт. Сертификат зищыкIагъэхэм зызыщатхыщтыр: https://forms.yandex.ru/u/63ef63605056903b25b08826/

Диктантыр зытхын гухэлъ зиIэхэр зыхэхьащтхэр: https://www.youtube.com/live/D3566MIuFHo?feature=share.

Iофтхьабзэу рагъэкIокIыщтым епхыгъэ упчIэ зиIэхэр мы телефон номерым теонхэ алъэкIыщт: 8(961)8284063.