Гъэтхапэм и 10-р — Адыгэ Республикэм и Конституцие и Маф
Адыгэ Республикэм щыпсэухэу лъытэныгъэ зыфэтшIыхэрэр!
Адыгэ Республикэм и Конституцие и Мафэ фэшI тышъуфэгушIо!
1995-рэ илъэсым гъэтхапэм и 10-м мэхьанэшхо зиIэ а документыр зэраштагъэр тарихъ ыкIи политикэ-правовой хъугъэ-шIэгъэшхоу хъугъэ. Урысые Федерацием ишъолъырхэм зыкIэ ащыщ Адыгеим тапэкIи хэхъоныгъэу ышIыщтым игъогу ащ къыгъэнэфагъ.
Закон ШъхьаIэм республикэм истатусэу щыгъэпытэжьыгъэ хъугъэм амалышхохэр къытыгъэх республикэр къэралыгъо гъэпсыкIэ иIэу ыпэкIэ лъыкIотэнымкIэ, экономикэмрэ социальнэ лъэныкъомрэ нахьышIум фаузэнкIынымкIэ, цIыфхэм ящыIакIэ зэхъокIыныгъэшIухэр фэхъунхэмкIэ, цIыф лъэпкъ зэфэшъхьафхэм къахэкIыгъэхэм ыкIи дин зэмылIэужыгъохэр зылэжьыхэрэм зэгурыIоныгъэ азыфагу илъынымкIэ.
Адыгеим инепэрэ гъэхъагъэхэм алъапсэ зыфэкIожьырэр Конституцием ипринцип шъхьаIэхэр ары. Тиреспубликэ нахь зэтегъэпсыхьагъэ хъунымкIэ ыкIи цIыфхэм ящыIакIэ зыкъыIэтынымкIэ ахэм амалышIу къатыгъ.
Конституцием къыдилъытэрэ шапхъэхэр дэх имыIэу дгъэцакIэхэмэ, текIоныгъакIэхэр зэрэтшIыщтхэм, анахь проект инхэр ыкIи пшъэрылъхэр зэрэзэшIотхыщтхэм тицыхьэ телъ.
ТичIыпIэгъу лъапIэхэр, тыгу къыддеIэу тышъуфэлъаIо псауныгъэ пытэ, щыIэкIэшIу шъуиIэнэу, гушIогъуабэ шъуапэкIэ къэкIынэу, Адыгэ Республикэмрэ ти Хэгъэгушхоу Урысые Федерациемрэ яфедэ зыхэлъ IофшIэным гъэхъагъэхэр щышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр