ТиныдэлъфыбзэкIэ къыдэкIырэ гъэзетэу «Адыгэ макъэм» сигуапэу седжэ. ГъэшIэгъонэу ащ бэ къихьэрэр, къэбарэу республикэм щы­хъухэрэм тащегъэгъуазэ. Апэрэу зэхэсхырэ гущыIэхэр сапэ къифэу къыхэкIы. СищыIэныгъэ гъогу кIэлэегъэджэ сэнэхьатым еспхыгъэу илъэс пчъагъэрэ къоджэ гурыт еджапIэм Iоф щысшIагъ. Джы унэм сис нахь мышIэми, еджэныр зыщызгъэгъупшэрэп. АдыгабзэкIэ къыдэкIырэ гъэзетым зы номер хэсымынэу седжэ.

«Адыгэ макъэр» къызыдэкIырэр илъэси 100 зэрэхъурэмкIэ мыщ щылажьэхэрэм сыгу къыздеIэу сафэгушIо. Псауныгъэ пытэ яIэу, къэбар гушIуагъо нэмыкI къамытхэу, яIофшIэн гухахъо хагъотэнэу сафэлъаIо.

ХьэпэкIэ Исмахьил. Адэмый.