«Адыгэ макъэр» илъэси 100 зэрэхъурэмкIэ къытфэгушIохэрэм ащыщ бзэ зэгъэшIэн Гупчэу «Активым» ипащэу Едыдж Мэмэт.

— «Адыгэ макъэр» зысинэIуасэр бэшIагъэ. Джыри хэкум къэсымыгъэзэжьызэ, заулэрэ сыкъыфэтхэнэу хъугъагъэ. Хэкум къызызгъэзэжьыгъэм къыщегъэжьагъэу гъэзетыр къисэтхыкIы: тиунагъуи къехьэ, сиIофшIэгъухэми аIэкIэхьэ. Лъэпкъ гъэзетыр лъэшэу сэгъэлъапIэ, ныбджэгъу­ныгъэ дысиI. Республикэм щыхъурэ-щышIэрэм уиныдэлъфыбзэкIэ узеджэкIэ, пкъынэ-лынэм нахь къылъэIэсы. Джы «Адыгэ макъэм» ыныбжь илъэ­си 100 зэрэхъурэм мэхьанэшхо иI. Ащ фэдиз уахътэм зэпымыоу адыгабзэкIэ къызэрэдэкIырэр бгъэлъэпIэнэу щыт. Сыда пIомэ бзэр ащ еухъумэ. Дунаир щэIэфэ лъэпкъ гъэзетыр щэрэI, адыгабзэр орэпсэу, тиреспубликэ орэпсэу!