Тибзылъфыгъэ лъапIэхэр!

Гъэтхэ мэфэкI шIагъом — бзылъфыгъэхэм я Дунэе мафэ фэшI гуфэбэныгъэ хэлъэу тышъуфэгушIо!

Сыд фэдэрэ лъэхъани бзылъфыгъэр щыIэныгъэм итамыгъэу щытыгъ ыкIи щыт. Дэхагъэр, гукIэгъур, шъэбагъэр, цIыфыгъэр, акъылыр, хьалэлныгъэр ренэу ащ игъусэгъух.

Тибзылъфыгъэ лъапIэхэр, мы гъэтхэ мэфэ дахэр ушъхьагъу дэгъоу щыт тызэрэшъуфэразэр, лъытэныгъэшхо къызэрэшъуфэтшIырэр джыри зэ къыхэдгъэщынымкIэ. Бзылъфыгъэхэм яшIуагъэкIэ щыIэныгъэр лъэкIуатэ, кIэлэцIыкIухэр, унагъор мыкIодыжьыщт баиныгъэу тиIэх. Къышъупэблэгъэ цIыфхэм гушIуа- гъо, рэхьатныгъэ, гуIэтыгъо къафэшъохьы, Iофыгъуа­кIэхэм язэшIохын ахэр къыфэшъоIэтых. Бзылъфыгъэм ыплIэIу цIыкIухэм пшъэдэкIыжьышхо ателъ къыткIэ­хъухьэхэрэм япIункIэ, республикэм, хэгъэгум къарыкIощтымкIэ.

Дунаим тыкъытезгъэхъогъэ ныхэм, тызыпIугъэхэм, тызылэжьыгъэхэм, хэгъэгум игражданинэу тыхъунымкIэ зи къызытемынагъэхэм, тызэхэзышIыкIырэ ти­шъхьэгъусэхэм, тшыпхъухэм, тинэнэжъхэм, шIу тлъэгъурэ типшъэшъэжъыехэм, зэкIэ тидунае къэзыгъэкIэракIэхэрэм ыкIи нахьышIу зышIыхэрэм инэу тызэрафэразэр мы мэфэкI мафэм къэтэIо.

ЗэкIэми тышъуфэлъаIо псауныгъэ пытэ, щыIэкIэшIу шъуиIэнэу! Шъуисабыйхэр псауныгъэ пытэ яIэу, Iушыхэу къэтэджынхэу, ямурад дахэхэр къадэхъунхэу! ШIу шъуалъэгъоу, шъунасыпышIоу бэрэ шъущыIэнэу шъу­фэтэIо!

Адыгэ Республикэм и ЛIышъхьэу,  Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр