ФутболымкIэ Дунэе федерацием 2022-рэ илъэсым изэфэхьысыжьхэр ышIыгъэх. Мыщ фэгъэхьыгъэ Iофтхьабзэу Париж щыкIуагъэм ешIэкIо анахь дэгъухэм ащафэгушIуагъэх.Футболист анахь дэгъур Аргентинэ ихэшыпыкIыгъэ командэ икапитанэу, французскэ ПСЖ-м щешIэрэ Лионель Месси.

КъэлэпчъэIутхэм къахахыгъэр Аргентинэм щыщ Эмилиано Мартинес. Джащ фэдэу «ФИФА-м итренер анахь дэгъу» зыфиIорэр фагъэшъошагъ мы къэралыгъо дэдэм щыщ Лионель Скалони.