— ШIушIэ зекIо Iофым организациехэм япэрыт нэбгырэ 1,7-рэ пхырыкIыгъах, — къыIуагъ «Единэ Россием и НыбжьыкIэ Гвардие» ипащэу Антон Демидовым.

«Нэбгырэ пэпчъ иIахьышхо зэкIэми зэдытиIофым хешIыхьэ — чIыпIэ зэжъу ифагъэмэ Iэ­пы­Iэгъу афэхъух. Мы мафэхэм чыристан диным имэфэкIхэр къахэфагъэх. Ахэм яхъулIэу Мариупольрэ Мелитопольрэ ащыпсэухэрэм тафэгушIуагъ, — къыIотагъ ащ.

— 2022-рэ илъэсым игъэ­тхэпэ мазэ къыщегъэжьагъэу «Единэ Россием и НыбжьыкIэ Гвардие» ыкIи «ГуфакIохэм я Ротэ» хэтхэр Донбасс щыIэх. 2023-рэ илъэсым ищылэ мазэ Харцызки гуфэкIо гупчэ къыщызэIуахыгъ. ДжырэкIэ гуфакIохэр Луганскэ, Донецкэ, Лисичанскэ ащыIэ госпитальмэ IэпыIэгъу аща­фэхъух. Хабзэ зэрэхъугъэу, хэушъхьафыкIыгъэ дзэ операцием хэлажьэрэмэ яунагъомэ тишIуагъэ ятэгъэкIы, ащ фэ­гъэхьыгъэ программэу «Единэ Россием» иIэм елъытыгъэу тэлажьэ. Унагъомэ ящыкIэгъэ IэпыIэгъур зэкIэ тишъолъыр щарагъэгъоты», — къыIотагъ партиеу «Единэ Россием» и Генсовет хэтэу, къалэу Мые­къуапэ идепутатэу Бэрзэдж Асиет.