Адыгеим и Правительствэ гъэпсыкIэу иIэм зэхъокIыныгъэ фэхъугъ — АР-м иминистрэхэм я Кабинет и Тхьамэтэ IэнатIэ ыкIи ащ игуадзэ щыIэ хъугъэ.

ТапэкIэ АР-м иминистрэхэм я Кабинет и Тхьамэтэ IэнатIэкIэ депутатхэм КIэрэщэ Анзаур икан­дидатурэ дырагъэштэгъагъ. Джы АР-м и Къэралыгъо Совет — Хасэм изэхэсыгъоу щыIэщтым Адыгеим иминист­рэ­хэм я Ка­би­нет и Тхьаматэ иго­дзэ Iэна­тIэ­­кIэ ЛIыхэсэ Махьмудэ иканди­датурэ депутатхэр щыхэплъэщтых.

Ащ фэгъэхьыгъэу къытыгъ Адыгеим и ЛIышъхьэу КъумпIыл Мурат. Адыгеим иминистрэхэм я Кабинет и Тхьаматэ игодзэ IэнатIэ пIэлъэ гъэнэфагъэкIэ ЛIыхэсэ Махьмуд ыгъэцэкIэным фэгъэхьыгъэ указым ар кIэтхэ­жьыгъ.

— Махьмуд Азмэт ыкъор ыпэ­кIэ АР-м экономикэмрэ са­ты­ум­рэкIэ и Министерствэ ипэ­щагъ, Адыгэкъалэ имэрэу зыщэтым республикэм иятIонэрэ къалэ хэхъоныгъэ ышIынымкIэ бэ зэ­шIуихыгъэр. IэнэтIакIэу зыIухьащтым епхыгъэ пшъэрылъхэр ыгъэцэкIэнхэмкIэ шIэныгъи, Iэ­пэ­Iэсэныгъи, опыти иI. Респуб­ликэм щыпсэухэрэм ящыIакIэ нахьышIу хъуным фэгъэхьыгъэ IофшIэныр шIуагъэ къытэу гъэцэкIагъэ хъунымкIэ а пстэуми яшIуагъэ къызэрэкIощтым сицыхьэ телъ, — къыIуагъ АР-м и ЛIышъхьэ.